پاکستان کپ:دوسرے سیمی فائنل میں سندھ کو شکست

تفصیلات کے مطابق سندھ کی ٹیم نے ٹاس جیت کر پہلے باؤلنگ کا فیصلہ کیا تو بلوچستان کی ٹیم کے تمام کھلاڑی 48 ویں اوور میں 263 رنز بنا کر آؤٹ ہو گئے۔ 

بلوچستان کی جانب سے حسیب اللہ نے 131، اسد شفیق نے 64، عماد بٹ نے 13 اور عمران بٹ نے 11 رنز بنائے۔

سندھ کی طرف سے سہیل خان اور محمد عمر  3،3، میر حمزہ 2 جبکہ ابرار احمد اور سائم ایوب نے 1،1 وکٹ حاصل کرنے میں کامیاب رہے۔ 

 ہدف کے تعاقب میں سندھ کی ٹیم نے بیٹنگ کا آغاز کیا تو مقررہ 50 اوورز میں 9 وکٹوں کے نقصان پر محض 250 رنز ہی بنا سکی جس میں عمیر بن یوسف 60 رنز بنا کر نمایاں بلے باز رہے۔

اس کے علاوہ خرم منظور نے 55، شرجیل خان نے 50 اور سائم ایوب نے 30 رنز جوڑے، بلوچستان کی ٹیم سے کاشف بھٹی نے 3، خرم شہزاد اور یاسر شاہ نے 2،2 جبکہ عماد بٹ نے 1 کھلاڑی کو پویلین کی راہ دکھائی۔

مین آف دی میچ بلوچستان کے حسیب اللہ قرار پائے جنہوں نے شاندار131 رنز کی اننگ کھیلی۔

پاکستان کپ کا فائنل یکم اپریل کو خیبرپختونخوا اور بلوچستان کی ٹیموں کے درمیان کھیلا جائے گا۔