مسجد الحرام کے عملے میں پانچ روبوٹس بھی شامل کرلیے گئے 

تفصیلات کے مطابق  مسجد الحرام میں صفائی ستھرائی کے کام میں مدد کے لیے مسجد کے عملے میں 5 روبوٹس کو شامل کردیا گیا ہے۔ ان روبوٹس کے ذمہ یہ کام لگایا گیا ہے کہ اس بات کو یقینی بنائیں کہ خانہ کعبہ کی چھت بالکل صاف ستھری رہے۔

یہ روبوٹس صفائی کے جدید ترین طریقوں کا استعمال کرتے ہوئے دستی طور پر اور ایپلیکیشن کے ذریعے، دونوں طرح سے کام کرتے ہیں۔ مسجدالحرام کےانڈر سیکرٹری جنرل فار سروسز نے ان ربورٹس کے حوالے سے میڈیا کو بتایا ہے کہ’اس سمارٹ ویکیوم کو چارج کرنے میں چار گھنٹے تک کا وقت لگتا ہے اور اس کی بیٹری مسلسل تین گھنٹے تک چلتی ہے‘۔

ان کا مزید کہنا تھا  کہ ’سمارٹ ویکیوم تین گھنٹے میں 180 مربع میٹر کے رقبے پر کیا جاتاہے‘۔

Five new robot vacuums join the cleaning crew at #Makkah’s Grand Mosque, their job: ensure the #Kaaba’s roof is in pristine condition || #SaudiArabia #Ramadan
-
Read: https://t.co/tiPG2vTNWc pic.twitter.com/gAy8PRMvmt

— Arab News Pakistan (@arabnewspk) April 5, 2022

اُنہوں نے کہا کہ  ان جدید آلات اور ٹیکنالوجی کا مقصد سنگ مرمر کے معیار کو برقرار رکھنا، گندگی کو دور کرنا اور کعبہ کو خاص طور پر اور مسجدالحرام کو پاک رکھنا ہے،  ایجنسی اللہ کے مقدس گھر کو پاک کرنے کے لیے جدید ترین ٹیکنالوجی فراہم کرنے کی خواہشمند ہےکیونکہ یہ ٹیکنالوجی کاموں کی کارکردگی کو تیز کرنے میں معاون ثابت ہوں گی‘۔

جنرل پریذیڈنسی کی طرف سے فراہم کردہ ان جدید آلات کا استعمال دھونے کے بعد کیا جاتا ہے۔

 مسجد الحرام اور اس کے مہمانوں کی خدمت کے لیے تربیت یافتہ ماہرین کی مدد سے صفائی کا عمل عام طور پر 20 منٹ کے اندر مکمل ہو جاتا ہے۔