عمران خان سمیت تمام پی ٹی آئی ارکان کا قومی اسمبلی سے مستعفیٰ ہونے کا اعلان

تفصیلات کے مطابق سابق وزیر اعظم عمران خان سمیت تمام پی ٹی آئی ارکان کا قومی اسمبلی سے مستعفیٰ ہونے کا اعلان کر دیا گیا ہے ۔

پی ٹی آ ئی کے رکن قومی اسمبلی مراد سعید نے اپنے ٹویٹر اکاؤنٹ میں پیغام جاری کرتے ہوئے کہا کہ  آٗجن کی حرصِ زر، ہوس اقتدار نے میری قوم کو “بھکاری” بنایا۔ جن کی غلامانہ زہنیت نے میرے گھروں کو مقتل گاہ، میرے لوگوں کو پناہگزین میری ماں کو زندہ درگور کردیا میں ان کو اس ملک کا سربراہ مانوں؟ absolutely not یہ فیصلہ فقط میرا نہیں میرے ملک کی ۲۲ کروڑ عوام کا بھی ہے ۔ 

جن کی حرصِ زر، ہوس اقتدار نے میری قوم کو “بھکاری” بنایا۔ جن کی غلامانہ زہنیت نے میرے گھروں کو مقتل گاہ، میرے لوگوں کو پناہگزین میری ماں کو زندہ درگور کردیا میں ان کو اس ملک کا سربراہ مانوں؟ absolutely not یہ فیصلہ فقط میرا نہیں میرے ملک کی ۲۲ کروڑ عوام کا بھی ہے pic.twitter.com/Mqln6tfVGe

— Murad Saeed (@MuradSaeedPTI) April 11, 2022

دوسری جانب فیصل جاوید نے بھی اپنے ٹویٹر اکاؤنٹ پر پیغام جاری کرتے ہوئے کہا ہے کہ پارلیمانی پارٹی کی طویل مشاورت کے بعد اسمبلی سے استعفےٰ دینے کا اختیار چیرمین عمران خان کو دے دیا - تمام ایم این ایز نے کہا کہ انکی اسمبلی میں نشستیں امانت ہیں - جب چاہیں استعفے لے لیں - پوری پارلیمانی پارٹی یکجا ہے-

پارلیمانی پارٹی کی طویل مشاورت کے بعد اسمبلی سے استعفےٰ دینے کا اختیار چیرمین عمران خان کو دے دیا - تمام ایم این ایز نے کہا کہ انکی اسمبلی میں نشستیں امانت ہیں - جب چاہیں استعفے لے لیں - پوری پارلیمانی پارٹی یکجا ہے-

— Faisal Javed Khan (@FaisalJavedKhan) April 11, 2022

واضح رہے کہ سابق وزیراعظم پاکستان عمران خان نے کہا ہے کہ اگر مجھے اکیلے کو بھی استعفیٰ دینا پڑا تودوں گا ، میں ان چورؤں کے ساتھ نہیں بیٹھے سکتا۔

تفصیلات کے مطابق سابق وزیراعظم عمران خان کی زیر صدارت پارلیمانی پارٹی کے اجلاس میں تمام اراکین نے قومی اسمبلی سے استعفیٰ دینے کا فیصلہ کر لیاہے تاہم استعفے وزیراعظم کے انتخاب کیلئے ہونے والی ووٹنگ کے بعد دیئے جائیں گے ۔

 تحریک انصاف کے تمام اراکین اسمبلی شاہ محمود قریشی کو ووٹ ڈالنے اور نتیجہ آنے کے بعد قومی اسمبلی کی رکنیت سے استعفیٰ دیں گے ، سابق وزیراعظم عمران خان نے ڈپٹی سپیکر قاسم سوری سے ملاقات میں ہدایت بھی جاری کر دی ہے ۔

یہاں یہ امر قابل ذکر ہے ہے کہ تحریک انصاف کی جانب سے کہا گیا تھا کہ اگر شہبازشریف کے کاغذات نامزدگی پر عائد کیئے گئے اعتراضات کو مسترد کر دیا گیا توہ اسمبلی سے مستعفیٰ ہو جائیں گے تاہم یہ فیصلہ بھی منسوخ کر دیا گیا تھا اور اب پی ٹی آئی کی جانب سے نئی حکمت عملی سامنے آئی ہے ۔

عمران خان نے پارلیمانی پارٹی کے اجلاس میں کہا کہ میں ان چوروں کے ساتھ اسمبلی میں نہیں بیٹھوں گا، اکیلے بھی استعفیٰ دینا پڑا تو دوں گا ۔کل رات کو سب کو سمجھ آ گئی کہ پی ٹی آئی کی طاقت کیا ہے ۔