گورنر سندھ عمران اسماعیل نےعہدے سے استعفیٰ دے دیا

شہباز شریف کے وزیر اعظم بننے کے بعد گورنر سندھ عمران اسماعیل مستعفی ہو گئے ہیں۔

عمران اسماعیل نے اس سے پہلے اپنے ایک بیان میں کہا  تھا کہ جیسے ہی شہباز شریف حلف اٹھائیں گے میں استعفیٰ دے دوں گا۔

ان کا کہنا تھا کہ میں نہیں چاہتا ایک لمحے کے لیے بھی شہباز شریف کو سر کہنا پڑے، یہ شخص نااہل ہے، میں ان کو وزیراعظم نہیں مانتا ہوں، اپنی شفٹنگ کا عمل شروع کردیا ہے۔

یاد رہے کہ اس قبل گورنر خیبر پختونخوا شاہ فرمان نے بھی اپنے عہدے سے استعفیٰ دے دیا تھا۔

ترجمان گورنر ہاؤس خیبر پختونخوا نے شاہ  فرمان کے مستعفی ہونے کی تصدیق کرتے ہوئے کہا کہ گورنرخیبر پختونخوا نے اپنا استعفیٰ صدر پاکستان ڈاکٹر عارف علوی کو بھیج دیا ہے۔

شاہ فرمان خیبرپختونخوا کے 32 ویں گورنر تھے اور انہوں نے 5 ستمبر 2018ء کو خیبرپختونخوا کے گورنرکےطور پر حلف اٹھایا۔

 شاہ فرمان 1995ء سے پی ٹی آئی کے ساتھ منسلک ہیں وہ پی ٹی آئی ٹکٹ پر 2 بار صوبائی اسمبلی کے رکن منتخب ہوئے جب کہ 2013ء سے 2018ء تک صوبائی وزیر بھی رہے ہیں۔

میڈیا رپورٹس کے مطابق گورنر پنجاب عمر سرفراز چیمہ کا بھی جلد مستعفی ہونےکا امکان ہے۔