شہباز شریف کے وزیراعظم منتخب ہونے پر چین کا ردعمل

سماجی رابطے کی ویب سائیٹ ٹوئیٹر پر چینی دفتر خارجہ کی جانب سے ایک پیغام جاری کیا گیا جس میں شہباز شریف کے وزیر اعظم بننے پر رد عمل ظاہر کیا گیا ہے۔

چینی وزارت خارجہ کے ترجمان کا کہنا ہے کہ پاکستان کے سیاسی حالات چاہے کیسے بھی بدلیں، چین کی پاکستان کے حوالے سے غیرمتزلزل دوستانہ پالیسی قائم رہے گی۔

اپنے بیان میں ان کا کہنا تھا کہ ہم سمجھتے ہیں کہ پاکستان کی سیاسی صورت حال میں تبدیلیاں چین پاکستان تعلقات کی مجموعی صورت حال پر اثر انداز نہیں ہوں گی۔

Spox @zlj517 : No matter how the political situation in #Pakistan changes, #China will unswervingly adhere to its friendly policy towards Pakistan. We believe that changes in Pakistan's political situation will not affect the overall situation of China-Pakistan relations.

— Chinese Emb Pakistan (@CathayPak) April 11, 2022

اس سے قبل ترک صدر اور بھارتی وزیر اعظم کی جانب سے بھی شہباز شریف کو مبارکباد کے پیغامات بھیجے گئے۔

ٹیلیفونک گفتگو میں ترک صدر اردوان کا کہنا تھاکہ آپ کے وزیراعظم منتخب ہونے کی خبر پر بے حد مسرور ہوں، یقین ہے آپ کی قیادت میں پاک ترک برادرانہ تعلقات میں مزید مضبوطی آئے گی۔

اسی طرح سماجی رابطے کی ویب سائٹ ٹوئیٹر پر جاری پیغام میں بھارتی وزیر اعظم  نریندر مودی نے کہا کہ شہباز شریف کو وزیراعظم پاکستان منتخب ہونے پر مبارکباد پیش کرتا ہوں۔

انہوں نے کہا کہ بھارت کی خواہش ہے کہ خطے میں امن  و استحکام ہو تاکہ ہم ترقیاتی چیلنجزاور لوگوں کی فلاح وبہبود پرتوجہ مرکوزکرسکیں۔

واضح رہے کہ وزیر اعظم عمران خان کے خلاف عدم اعتماد کی تحریک کامیاب ہونے کے بعد شہباز شریف پاکستان کے 23 ویں وزیراعظم منتخب ہوگئے ہیں۔