سابق وزیر اعظم عمران خان نے فوری انتخابات کا مطالبہ کر دیا

سابق وزیر اعظم عمران خان نے سماجی رابطے کی ویب سائیٹ ٹوئیٹر پر پیغام شیئر کیا ہے جس میں انہوں نے فوری الیکشن کا مطالبہ کیا ہے۔

اپنے پیغام میں ان کا کہنا تھا کہ ہم فوری انتخابات کا مطالبہ کررہے ہیں کیونکہ آگے بڑھنے کا واحد راستہ یہی ہے کہ آزادانہ اور منصفانہ انتخابات کے ذریعے عوام کو اپنی مرضی کا وزیر اعظم منتخب کرنے کا موقع دیا جائے۔

اپنے ایک اور ٹوئیٹ میں وزیر اعظم عمران خان نے کہا کہ میں بدھ کو نمازِعشاء کےبعد پشاور میں عوامی اجتماع سے خطاب کروں گا۔

We are demanding immediate elections as that is the only way forward -- to let the people decide, through fair & free elections, whom they want as their prime minister.

— Imran Khan (@ImranKhanPTI) April 11, 2022

انہوں نے کہا کہ پشاور کا جلسہ بیرونی اشاروں پر حکومت تبدیل کرنے کے بعد میرا پہلا جلسہ ہوگا۔

چیئرمین تحریک انصاف نے مزید کہا کہ میں چاہتا ہوں کہ ہمارے سب لوگ بھرپور طریقےسےاس اجتماع میں شریک ہوں۔