فہد مصطفی ٰ  نے وزیراعظم شہباز شریف سے اُمیدیں باندھ لیں 

سابق وزیراعظم عمران خان کے اقتدار میں نہ رہنے کے بعد جہاں شوبز انڈسٹری کی معروف شخصیات شدید برہم اور دکھی  ہیں تو وہیں فہد مصطفیٰ خوش نظر آرہے ہیں جس کا اندازہ اُن کے حالیہ ٹوئٹ سے لگایا جاسکتا ہے۔

فہد مصطفی نے سماجی رابطے کی ویب سائٹ ٹوئٹر پر ایک پیغام میں  وزیراعظم  شہباز شریف کی تصویر شیئر  کرتے ہوئے اُنہیں  پاکستان کے 23 ویں وزیراعظم بننے پر مبارکباد پیش کی۔

اداکار نے شہباز شریف سے اُمید ظاہر کرتے ہوئے لکھا کہ میں امید کرتا ہوں کہ آپ  پوری طرح خدمت کریں گے۔فہد مصطفی ٰ نے آخر میں پاکستان زندہ باد کا نعرہ بھی  لکھا ۔

Congratulations to the 23rd prime minister of Pakistan @CMShehbaz - I hope and wish you serve the office to the fullest

pakistan zindabad pic.twitter.com/rluP83OmQz

— Fahad Mustafa (@fahadmustafa26) April 11, 2022

واضح رہےکہ مسلم لیگ ن کے مرکزی صدر  شہباز شریف گزشتہ روز قومی اسمبلی سے 174ووٹ لے کر پاکستان کے 23 ویں وزیراعظم  منتخب ہوئے ہیں۔