وزیراعظم آزاد کشمیر کیخلاف تحریک عدم اعتماد جمع

تفصیلات کے مطابق تحریک عدم اعتماد  ڈپٹی اسپیکر چوہدری ریاض، وزیر خوراک علی شان سونی اور پارلیمانی سیکریٹری بحالیات اکبر ابراہیم نے جمع کرا دی۔ تحریک عدم اعتماد تحریک انصاف کے 25 ممبران قانون سازاسمبلی  کے دستخط کے ساتھ جمع کرائی گئی ۔ 

تحریک عدم اعتماد آزاد کشمیر کے عبوری آئین کے ارٹیکل 18 کے تحت دائر ہوئی۔

 ممبران قانون ساز اسمبلی کی جانب سے نئے وزیر اعظم کیلئے سردار تنویر الیاس کا نام تجویز کیا گیا ہے۔

وزیراعظم آزاد  کشمیر کے خلاف تحریک عدم اعتماد کی کامیابی کیلئے 53 کے ایوان میں سے27 ارکان کی حمایت درکار ہوگی جب کہ تحریک عدم اعتماد پر 3 دن بعد اور 7 روز کے اندر ووٹنگ لازم ہے۔

واضح رہے کہ سابق وزیراعظم عمران  خان کے خلاف بھی اپوزیشن نے تحریک عدم اعتماد قومی اسمبلی میں جمع کرائی جس کی کامیابی پر عمران خان وزارت عظمیٰ  کے عہدے سے فارغ ہوگئے۔