چاہتے ہیں سینیٹ الیکشن شفاف ہوں،اپوزیشن تعاون کرے:شبلی فراز

وزیر اطلاعات و نشریات شبلی فراز نے مشیرپارلیمانی اموربابراعوان کے ہمراہ مشترکہ پریس کانفرنس کی جس میں وزیر اطلاعات و نشریات شبلی فراز کا کہنا تھا کہ  ماضی میں سینیٹ الیکشن ووٹوں کی خریدوفروخت کے باعث متنازع رہے،اب ہماری کوشش ہے کہ سینیٹ الیکشن آزاد طریقے سے ہوں،تحریک انصاف چاہتی ہے کہ انتخابات شفاف،منصفانہ ہوں،اپوزیشن کے پاس موقع ہے سینیٹ الیکشن کی شفافیت کیلئےتعاون کرے۔

انہوں نے مزید کہا کہ ماضی میں سینیٹ الیکشن میں ووٹوں میں خریدوفروخت ہوتی رہی ہے،پچھلی حکومت میں کے پی کے 20ایم پی ایز کو پارٹی سے نکالا گیا۔

دوسری جانب  مشیرپارلیمانی اموربابراعوان کا کہنا تھا کہ آج تک کسی نے سینیٹ الیکشن فیئرکرنے کیلئےقانون سازی نہیں کی،ہم نے ملکی تاریخ  میں پہلی بار اصلاحات کیلئے آئینی پیکیج تیار کیاہے اور سنگل ٹرانسفریبل ووٹ کی جگہ اوپن ووٹ کالفظ استعمال کر رہےہیں،تمام انتخابات کو شفاف ہونا چاہیے اور ووٹ قابل شناخت ہونا چاہیے، آئینی ترمیم کےبل کوآیندہ ہفتےپارلیمنٹ میں لےجا رہےہیں،آئینی ترمیم کے تین حصے ہیں،جن  لوگوں نے پیسہ کمانا ہوگا وہ بل کی حمایت نہیں کریں گے۔