کراچی ٹیسٹ کا تیسرا روز، پاکستان کی پوزیشن مستحکم

نیشنل اسٹیڈیم کراچی میں  پاکستان اور جنوبی افریقا کے درمیان ٹیسٹ میچ کھیلے جا رہے ہیں ۔جنوبی افریقہ نے تیسرے دن کھیل کے اختتام تک 4وکٹوں کے نقصان پر 187 رنز بنالیے۔ جنوبی افریقا کو پاکستان پر اب تک صرف 29 رنز کی برتری حاصل ہوسکی ہے۔

جنوبی افریقا کی جانب سے دوسری اننگز میں  ڈین ایلگر یاسر شاہ کی گیند پر  29 رنز بنا کر کیچ آؤٹ ہو گئے۔ایلگر کے آؤٹ ہونے کے بعد رسی وین ڈر ڈوسن 64، مارکرم 74 اور ڈوپلیسی 10 رنز بناکر آؤٹ ہوئے۔ کیشو مہاراج اور کوئنٹن ڈی کاک اب بھی  وکٹ پر موجود ہیں۔پاکستان کی جانب سے یاسر شاہ نے 3 اور نعمان علی نے ایک وکٹ حاصل کی۔

واضح  رہے کہ جنوبی افریقا کی ٹیم پہلی اننگز میں 220 رنز بنا کر آؤٹ ہو گئی تھی جبکہ پاکستان کی جانب سے پہلی اننگز میں فواد عالم نے 109، فہیم اشرف نے 64، اظہر علی نے 51 اور محمد رضوان نے 33 رنز بنائے۔