وزیرخارجہ کا چین کیساتھ تعلقات مزیدمستحکم کرنے کے عزم کا اعادہ

تفصیلات کے مطابق  وزیر خارجہ بلاول بھٹو زرداری نے نیویارک میں عالمی ترقیاتی اقدامات کے کروپ آف فرینڈز کے اعلیٰ سطح کے آن لائن  اجلاس کے ویڈیو خطاب میں بلاول بھٹو زرداری نے عالمی ترقی کا منصوبہ شروع کرنے کے چین کے اقدام کو سراہا ۔ 

انہوں نے اسے عالمی سطح پر تسلیم شدہ پائیدار ترقیاتی اہداف پر عملدرآمد کیلئے کوششیں تیز اور مربوط کرنے کیلئے ایک سودمند پلیٹ فارم قرار دیا ۔

کرونا کی عالمی وبا،موسمیاتی تبدیلی اور جغرافیائی سیاسی حالات کی وجہ سے پیدا ہونے والے بحرانوں کا ذکر کرتے ہوئے پائیدار ترقیاتی اہداف میں پیش رفت میں رکاوٹوں پر گہری تشویش کا اظہار کیا۔

انہوں نے جی ڈی آئی گروپ آف فرینڈز پر زور دیا کہ وہ ترقی پذیر ممالک کو درپیش مشکلات کے خاتمے کیلئے اقدامات کرے۔

وزیر خارجہ نے عالمی برادری پر زور دیا کہ پائیدار ترقیاتی اہداف کے لئے مناسب مالی وسائل مہیا کرے اور ماحولیاتی تبدیلی کے اثرات سے نمٹنے کیلئے سالانہ کم از کم ایک سو ارب ڈالرز فراہم کرنے کا وعدہ پورا کرے۔