بھارت : سرکاری ہیلی کاپٹر گرکر تباہ ، 2 پائلٹس ہلاک 

بھارتی  میڈیا کے مطابق ہیلی کاپٹر حادثہ سوامی ویویک نندا ایئرپورٹ چھتیس گڑھ  کے درالحکومت رائے پور میں پیش آیا ۔  رپورٹس کے مطابق حادثہ گزشتہ  رات 9 بج کر 10 منٹ پر پیش آیا، جب ہیلی کاپٹر  معمول کی تربیتی پرواز  پر تھا۔

 ہلاک  پائلٹس کی شناخت کیپٹن پندا اور کیپٹن سری واستو کے ناموں سے ہوئی  ہے ۔ حادثے میں تباہ ہونے والا ہیلی کاپٹر آگسٹا تھا ، جو رن وے سے محض چند کلو میٹر کے فاصلے پر گرکر تبا ہ ہوا۔ 

حکام کا کہنا ہے  کہ حادثہ تکنیکی خرابی کے باعث پیش آیا تاہم واقعے کی تفصیلی انکوائری کا حکم دے دیا گیا ہے۔