ایشیائی ترقیاتی بینک کا پاکستان کو ڈھائی ارب ڈالر امدادفراہم کرنے کا  اعلان 

تفصیلات کے مطابق وزیر مملکت برائے خزانہ عائشہ غوث بخش پاشا کی ایشیائی ترقیاتی بینک کےکنٹری ڈائریکٹر اور ٹیم سے ملاقات  ہوئی ، ملاقات میں ایشیائی ترقیاتی بینک کے تحت جاری پروگراموں پر تیزی سے عمل درآمدکی یقین دہانی کرائی گئی  جبکہ بینک کےکنٹری ڈائریکٹر نے پاکستان سےتعاون جاری رکھنےکے عزم کا اظہار کیا ۔ 

ایشیائی  ترقیاتی بینک اعلامیہ کے مطابق  ایشیائی ترقیاتی بینک پاکستان  کو  اگلے مالی سال کے لئے 2.5 بلین ڈالر کی اضافی امداد دے گا۔ یہ انسداد پولیو اور سمیت تعلیم اور توانائی سمیت دیگر ترقیاتی منصوبوں کے لیے فاہم کی جائے گی ۔  کنٹری ڈائریکٹر یونگ یی نے کہا کہ اس میں سے ڈیڑھ سے 2 ارب ڈالر موجودہ سال میں دستیاب ہو سکتے ہیں۔

اس موقع پر وزیر مملکت برائے خزانہ  نے کہا کہ اے ڈی بی نے ہمیشہ اصلاحات اور ترقی کے ایجنڈے کی پیروی میں مدد کی ہے، توانائی، تعلیم، مالیاتی اور قرضوں کے انتظام میں اے ڈی بی کی قابل اعتماد شراکت داری ہے، اس وقت پاکستان کو مختلف مالیاتی اور مالیاتی چیلنجز کا سامنا ہے۔

ڈاکٹر عائشہ غوث پاشا کا کہنا تھاکہ حکومت معیشت کو جامع اور پائیدار ترقی کی راہ پر لانے کے لئے اصلاحاتی اقدامات پر کام کر رہی ہے، کنٹری ڈائریکٹر اے ڈی بی نے وزیر مملکت کو اے ڈی بی کے پورٹ فولیو اور ملکی حکمت عملی سے آگاہ کیا۔ اے ڈی بی گورننس اور اصلاحاتی ایجنڈے سمیت فنانس سیکٹر کی ترقی کے لئے تعاون فراہم کرسکتا ہے۔