گوجرانوالہ ٹریفک حادثہ : وزیراعظم  کا قیمتی جانوں کے ضیاع پر اظہار افسوس

تفصیلات کے مطابق وزیراعظم آفس کے میڈیا ونگ سے جاری بیان کے مطابق وزیراعظم  شہباز شریف نے کہا کہ خواتین سمیت جاں بحق ہونے والوں کے اہل خانہ سے دلی تعزیت اور افسوس کرتے ہیں  ۔ 

انہوں نے  کہا کہ ٹریفک حادثات کی روک تھام کے لئے پنجاب حکومت کو اصلاحات کی ہدایت کرتا ہوں ۔ بہتر سڑکوں کی تعمیر اور انتظامی اقدامات سے حادثات کو کم کرنے کے پروگرام پر عمل کریں گے ۔

وزیراعظم نے دعا کی کہ اللہ تعالیٰ مرحومین کو جنت الفردوس میں اعلیٰ مقام ، اہل خانہ کو صبرجمیل دے ۔ انہوں نے زخمیوں کی جلد صحت یابی کی دعا بھی کی۔

واضح رہے کہ آج  گوجرانوالہ حافظ آباد روڈ پر کوٹ لدھا کے قریب خوفناک ٹریفک حادثے میں 12 افراد جاں بحق ہوگئے جبکہ 12 زخمی ہوئے ۔