شمالی وزیرستان کےعلاقہ میرانشاہ میں خودکش دھماکہ ، تین سکیورٹی اہلکار شہید

راولپنڈی :  شمالی وزیرستان کے علاقے میرانشاہ میں خود کش دھماکے  میں تین سکیورٹی اہلکار شہید ہو گئے ۔

پاک فوج کے ترجمان ادارے آئی ایس پی آر کے مطابق  میرانشاہ میں خود کش دھماکہ ہوا جس میں تین سکیورٹی اہلکار شہید ہوئے ، دھماکے میں تین بچے بھی شہید ہوئے ۔

آئی ایس پی آر کے مطابق شہید اہلکاروں میں   لانس حوالدار زبیر قادر ، سپاہی عزیر اصفر  اور سپاہی قاسم مقصود شامل ہیں جبکہ شہید بچوں میں 8 احسن  ، 11 احمد حسن ا ور 4 انعم  شامل ہیں ۔

آئی ایس پی آر کے مطابق   انٹیلی جنس ایجنسیاں خودکش حملہ آور اور اس کے ہینڈلرز اور سہولت کاروں سے متعلق   تحقیقات کر رہی ہیں۔