پیپلزپارٹی عوامی خدمت اورجمہوریت پریقین رکھتی ہے:بلاول بھٹو

چیئرمین پاکستان پیپلز پارٹی بلاول بھٹو زرداری وزیر خارجہ بننے کے بعد اتوار کی شام پہلی مرتبہ کراچی پہنچے تو کراچی ائیرپورٹ پر پیپلز پارٹی کے مرکزی رہنماؤں نے خوش آمدید کہا جبکہ ایئرپورٹ کے باہر سینکڑوں کارکنان نے استقبال کیا۔

بلاول بھٹو نے کارکنان سے خطاب کرتے ہوئے کہا کہ یہ قوم آزاد اور خومختار قوم ہے، یہ کبھی بھی کسی سلیکٹڈ کی غلامی قبول نہیں کرے گی۔

انہوں نے کہا کہ جیالوں نے آمرضیاء الحق کا مقابلہ کیا،جمہوری جدوجہد کے ذریعے آمر مشرف کو گھر بھیجا،ہم نے پہلے واضح کر دیا تھا کہ سلیکٹڈ راج کوقبول نہیں کریں گے، ہم نے پارلیمان کا راستہ اپنایا اور جمہوری طریقے سے سلیکٹڈ کو گھر بھیجا۔

بلاول بھٹو نے اپنے خطاب میں کہا کہ پیپلزپارٹی عوامی خدمت اورجمہوریت پریقین رکھتی ہے، آصف زرداری نے جیلیں بھگتیں لیکن اصولوں پرسمجھوتہ نہیں کیا،ہم نے سیاسی مخالفت کو بھلا کر سب جماعتوں کیساتھ مل کر پی ڈی ایم قائم کی۔