سی ٹی ڈی کی بڑی کارروائی ، انارکلی دھماکے میں ملوث 2 دہشتگرد گرفتار 

تفصیلات کے مطابق  نیو انار کلی لاہور دھماکہ میں اہم پیش رفت ہوئی ہے ، کاؤنٹر ٹیررازم ڈیپارٹمنٹ ( سی ٹی ڈی ) نے کامیاب کارروائی کرتے ہوئے انار کلی بم دھماکے کے مرکزی ملزم سمیت دو  ہشتگردوں  کو گرفتار کرلیا ہے۔

ترجمان سی ٹی ڈی پنجاب  کے مطابق  دھماکے میں ملوث گرفتار دہشت گردوں میں ثنا اللہ اور عبدالرازق شامل ہیں جن کا تعلق کالعدم  جماعت سے ہے ۔

 سی ٹی ڈی  کے مطابق   دہشت گردوں سے  گرفتاری کے دوران دھماکا خیز مواد ، دو عدد تیار آئی ای ڈی ، ریموٹ کنٹرول ، پرائما کارڈ اور بیٹریاں برآمد ہوئی ہیں ۔ ملزمان لاہور شہر میں ایک ہی دن دو دھماکوں کی منصوبہ بندی کر رہے تھے، ملزموں کی بلوچستان سے بذریعہ ٹرک لاہور آنے کی خفیہ اطلاع تھی ، لاہور پہنچتے ہی ملزمان کو انٹیلی جنس بیسڈ آپریشن کے ذریعے گرفتار کیا گیا ہے ۔

ترجمان سی ٹی ڈی پنجاب کا کہنا تھا کہ  دھماکہ خیز مواد برآمد ہونے پر دہشت گردی کی دفعات کے تحت مقدمہ درج کر لیا گیا ہے ۔

یاد رہے کہ رواں سال جنوری میں لاہور کے معرو ف  انارکلی بازار میں ہونے والے بم دھماکے میں 3 افراد جاں بحق جبکہ 33 زخمی ہوئے تھے ۔