بلدیاتی انتخابات کا دوسرا مرحلہ ، خیبرپختونخوا میں خالی نشستوں پرپولنگ کل ہوگی

الیکشن کمیشن  کے مطابق  بلدیاتی انتخابات کے دوسرے مرحلے   کیلئے  پولنگ صبح 8سےشام 5 بجے تک جاری رہے گی ۔  ضلع کرم، شمالی وجنوبی وزیرستان،ایبٹ آباد،مانسہرہ، اپر کوہستان،ملاکنڈ اور لوئر دیر میں انتخابات کل ہونگے ،  مجموعی طورپر6تحصیلوں اور 26ویلیج اور نیبرہڈ کونسلز پر انتخابات ہونگے۔ 

الیکشن کمیشن کے مطابق  انتخابات کیلئےکل52 پولنگ اسٹیشن اور 130 پولنگ بوتھ قائم کئے گئے ہیں۔

انتخابات میں مجموعی طور پر 65ہزار سے زائد افراد اپنا حق رائے دہی استعمال کریں گے۔ 

الیکشن کمیشن کاکہنا ہے کہ اس حوالے سے  سکیورٹی کے خاطرخواہ انتظامات بھی کئے جا رہے ہیں تاکہ عوام، ووٹروں، امیدواروں اور سیاسی جماعتوں کی رہنمائوں کے ساتھ ساتھ انھیں انتخابی عمل میں حصہ لینے کیلئے بھی یکساں مواقع مہیا کئے جاسکیں ۔

الیکشن کمیشن کے مطابق امیدواروں کی وفات اور دیگر وجوہات کی بناء پران نشستوں پرانتخابات ملتوی ہوئے تھے۔