پنجاب اسمبلی کی موجودہ صورت حال پر تحریک انصاف کا شدید رد عمل

رہنما پاکستان تحریک انصاف فواد چودھری نے ٹوئیٹر پر جاری پیغام میں کہا کہ پنجاب اسمبلی کا اجلاس پولیس کی یلغار سے روکنا آئین کی پامالی ہے, تحریک انصاف پنجاب کی انتظامیہ کی غنڈہ گردی کی شدید مذمت کرتی ہے۔

انہوں نے عدلیہ سے واقعے کا فوری نوٹس لینے کا مطالبہ کرتے ہوئے تحریک انصاف کے کارکنان ممبران اسمبلی سے یکجہتی کے لیے فوری اسمبلی ہال پہنچنے کی کال بھی دی ہے۔

پنجاب اسمبلی کا اجلاس پولیس کی یلغار سے روکنا آئین کی پامالی ہے، تحریک انصاف پنجاب کی انتظامیہ کی اس غنڈہ گردی کی شدید مذمت کرتی ہے عدلیہ اس کا فوری نوٹس کے تحریک انصاف کے کارکنان جو اسمبلی پہنچ سکتے ہیں ممبران اسمبلی سے یکجہتی کیلئے پہنچیں

— Ch Fawad Hussain (@fawadchaudhry) May 22, 2022

اس حوالے سے رہنما تحریک انصاف شہباز گل نے ٹوئیٹ کیا کہ امپورٹڈ فاشسٹ حکومت ہر روز آئین اور قانون کی خلاف ورزی کی نئی داستانیں رقم کر رہی ہے۔

امپورٹڈ فاشسٹ حکومت ہر روز آئین اور قانون کی خلاف ورزی کی نئ داستانیں رقم کر رہی ہے آج پنجاب اسمبلی کو بند کرکے ڈی جی پارلیمانی افیئرز اور سیکرٹری پنجاب اسمبلی کو گرفتار کر کے انہوں نے بتا دیا کہ خاندان شریفیہ کی جمہوریت صرف ایک خاندان کو غیر قانونی اقتدار پر قابض ہونے کا نام ہے

— Dr. Shahbaz GiLL (@SHABAZGIL) May 22, 2022

انہوں نے کہا کہ پنجاب اسمبلی کو بند کر کے اور ڈی جی پارلیمانی افیئرز اور سیکرٹری پنجاب اسمبلی کو گرفتار کر کے بتایا گیا ہے کہ شریف خاندان کی جمہوریت صرف ایک خاندان کے غیر قانونی اقتدار پر قابض ہونے کا نام ہے۔