بیرون ملک سے آنے والے مسافروں میں منکی پاکس کی موجودگی کا خدشہ

تفصیلات کے مطابق بیرون ملک سے پاکستان آنے والے مسافروں میں منکی پاکس کی ممکنہ موجودگی کے خدشے کے باعث اسکریننگ کا آغاز کا آغاز کر دیا گیا ہے،کراچی سمیت تمام بین الاقوامی ایئرپورٹس پر گزشتہ رات 12 بجے سے ہائی الرٹ جاری ہے،یورپ اور امریکہ سمیت منکی پاکس کی موجودگی کے حامل ممالک سے آنے والے مسافروں کی اسکریننگ  کا عمل جاری ہے۔

میڈیا ذرائع کے مطابق اسکریننگ کے لیے کراچی ایئرپورٹ پر بھی کورونا وبا کی طرز پر خصوصی کاؤنٹرز قائم کیے گئے ہیں،کاؤنٹرز پر تھرمل گن کے ذریعے مسافروں میں تیز بخار کی موجودگی چیک کی جا رہی ہے،کاؤنٹرز کا عملہ مکمل حفاظتی اقدامات کے ساتھ اسکریننگ کے عمل میں مصروف ہے۔

اس حوالے سے ڈاکٹر ظفر مہدی کا کہنا ہے کہ بیماری کی علامات ظاہر ہونے والے مریضوں کو ایئرپورٹ کی حدود میں وفاقی ہیلتھ اسٹبلشمنٹ کے اسپتال منتقل کیا جائے گا،گزشتہ رات سے اب تک کسی مسافر میں منکی پاکس کی موجودگی ثابت نہیں ہوئی،16بیڈز پر مشتمل اسپتال میں منکی پاکس کے علاج و معالجے کے لئے تمام انتظامات موجود ہیں جبکہ صوبائی محکمہ ہیلتھ کی جانب سے سرکاری اسپتال منتقلی کے انتظامات بھی کئے جا رہے ہیں۔