حریت رہنما یاسین ملک دہلی عدالت پہنچ گئے ، فیصلہ آج سنایا جائے گا

تفصیلات کے مطابق بھارت کی عدالت نے کئی ماہ سے قابض فورسز کی حراست میں موجود حریت پسند کشمیری رہنما یاسین ملک کو آج دہلی عدالت میں پیش کردیا۔ 

بھارتی خبرایجنسی کے مطابق  این آئی اے نے یاسین ملک کوسزاموت سنانے کا  مطالبہ کردیا ، بھارتی عدالت نے فیصلہ محفوظ کرلیا،مقامی وقت کےمطابق 3بج کر 30منٹ پر سنایاجائےگا۔ 

خیال رہے کہ یاسین ملک پر ہندوستانی حکومت نے دہشت گردی کےلیے مالی معاونت کا جھوٹا الزام عائد کر رکھا ہے۔  بھارتی دارالحکومت دہلی میں واقع قومی تفتیشی ایجنسی (این آئی اے)  کی ایک خصوصی عدالت نے 19 مئی جمعرات کے روز یاسین ملک کو شدت پسندی کی معاونت سے متعلق ایک کیس میں قصوروار قرار دیا۔

بھارتی حکومت نے دفعہ 370 کے خاتمے سے پہلے ہی دہشت گردی سمیت متعدد الزامات کے تحت یاسین ملک کو گرفتار کر لیا تھا، جو گزشتہ کئی برسوں سے دہلی کی تہاڑ جیل میں قید ہیں۔ بھارت نے ان پر ملک سے جنگ چھیڑنے، دہشت گردی اور دیگر غیر قانونی سرگرمیوں سمیت متعدد سخت دفعات کے تحت مقدمات دائر کر رکھے ہیں۔

دوسری جانب کشمیر میڈیا سروس کے مطابق یاسین ملک کو مجرم قراردیے جانےکےخلاف مقبوضہ وادی میں مکمل ہڑتال  ہے ، بھارتی فوج کےلاؤڈ اسپیکر پر اعلانات،کاروبار بندرکھنے کی صورت میں سنگین نتائج کی دھمکیاں دی جارہی ہیں ۔

خبر میں تفصیل شامل کی جارہی ہے ۔۔۔