عمران خان نے لانگ مارچ کا آغاز کردیا، ویڈیو پیغام جاری 

تفصیلات کے مطابق پاکستان تحریک انصاف کے چیئرمین عمران خان کی جانب سے کے پی کے سے اسلام آباد کی جانب لانگ مارچ کا آغاز کر دیا گیا ہے۔

عمران خان کی جانب سے لانگ مارچ کے آغاز پر ٹوئٹر پر خصوصی پیغام جاری کیا گیا جس میں  انہوں نے کہا کہ  میں اس وقت پشاور سے   مارچ کا آغاز کر رہا ہوں اور سیدھا ولی انٹرچینج  کے اوپر پہنچ رہا ہوں ، میں ولی انٹر چینج سے مارچ کو لیڈ کرونگا ۔  انہوں نے مزید کہا کہ  سارے  خیبرپختونخوا کے لوگوں کو میں دعوت دے رہا ہوں کہ آپ نے وہاں پہنچنا ہے۔

ان کا کہنا تھا کہ یہ ملک کی تاریخ کا فیصلہ کن وقت ہے،  ہم حقیقی آزادی لے کر رہیں گے۔ 

My message for the people of KP pic.twitter.com/pplWbtgb0M

— Imran Khan (@ImranKhanPTI) May 25, 2022

واضح رہے کہ پاکستان تحریک انصاف کے چیئرمین عمران خان کی جانب سے آج ڈی چوک اسلام آباد پہنچنے کا اعلان کیا گیا ہے۔

تحریک انصاف کے لانگ مارچ کو روکنے کیلئے پنجاب پولیس کی جانب سے مختلف شہروں میں سڑکوں پر کنٹینر کھڑے کردیئے گئے جبکہ ٹرک کھڑے کر کے راستے بند کردیئے گئے ہیں۔