ٹی ٹوئنٹی سیریز:آسٹریلیا نے سری لنکا کو 10 وکٹوں سے شکست دے دی

تفصیات کے مطابق  آسٹریلیا نے ٹاس جیت کر سری لنکا کو بیٹنگ کی دعوت دی، سری لنکن ٹیم کی بیٹنگ لائن ایک تگڑا ٹارگٹ سیٹ کرنے میں ناکام رہی اور پوری ٹیم آخری اوور میں 128 رنز پر ڈھیر ہوگئی۔

سری لنکا کی جانب سے چارتھ اسلنکا 38 رنز بنا کر نمایاں بلے باز رہے کبکہ  آسٹریلیا کی جانب سے جوش ہیزلی ووڈ نے  شاندار بولنگ کا مظاہرہ کرتے ہوئے 16 رنز کے عوض 4 شکار کیے، مچل اسٹارک نے 3  اور کین رچرڈسن نے 1 وکٹ حاصل کی۔

سری لنکا کی جانب سے دیا گیا آسان ہدف آسٹریلیا کی ٹیم نے 14 اوورز میں بغیر کسی نقصان کے حاصل کرلیا جس میں کپتان ایرن فنچ نے 61 اور ڈیوڈ وارنر نے 70 رنز کی ناقابل شکست اننگز کھیلی۔ جوش ہیزلی ووڈ کو شاندار باؤلنگ کے باعث مین آف دی میچ قرار پائے۔

آسٹریلیا کو سری لنکا کے خلاف 3 میچوں کی سیریز میں  0-1 کی برتری حاصل ہے،دونوں ٹیموں کے درمیان سیریز کا دوسرا میچ 8 جون کو کھیلا جائے گا۔