دنیا کا مصروف ترین بین الاقوامی ایئر لائن روٹ بند

بین الاقوامی میڈیا کے مطابق برطانیہ کے وزیر ٹرانسپورٹ  نے کہا کہ جنوبی افریقہ میں شناخت ہونے والےمتعدی  وائرس سےبچنے کےلئےمتحدہ عرب امارات ، برونڈی اور روانڈا کو سفری پابندی کی فہرست میں شامل کررہےہیں۔ حکام کا کہنا ہے کہ پابندی کے بعد برطانیہ ، آئرلینڈ کےرہائشی حقوق کے مالک افراد کے علاوہ  کسی کوداخلے کی اجازت نہیں ہوگی ۔ دوسری جانب برطانوی حکومت کے اعلان کے بعد ایمرٹس اور اتحاد ایئر ویز نے اپنی ویب سائٹوں پر اعلان کردیاکہ پابندی کے اطلاق کے بعد وہ جمعہ سے برطانیہ کےلیے تمام پروازیں معطل کردیں گے۔

واضح رہے کہ گزشتہ ماہ جنوبی افریقہ میں کورونا وائرس کا نیا ورژن سامنے آیا تھا ، جنوبی افریقی سائنسدانوں اور طبی حکام نے کورونا وائرس کی اس نئی قسم کی دریافت کا اعلان کیا۔کورونا کی اس قسم کو 501.V2 کا نام دیا گیا ہے جو ابتدائی تجزیے میں زیادہ تیزی سے پھیلنے والا اور جسم میں زیادہ وائرل لوڈ بڑھانے کی صلاحیت رکھنے والا ثابت ہوا ہے۔ ماہرین کی نئی قسم یہ نئی قسم برطانیہ میں دریافت ہونے والی قسم سے مختلف ہے اور اصل وائرس کے مقابلے میں زیادہ متعدی ہے۔