حکومت نے قومی سلامتی کمیٹی کا اجلاس کل طلب کرلیا 

ذرائع کے مطابق قومی اسمبلی ایوان میں   ان کیمرہ اجلاس تین بجے منعقد کیاجائےگا ۔  ذرائع کے مطابق آرمی چیف جنرل قمر جاوید باجوہ، ڈی جی آئی ایس آئی لیفٹیننٹ جنرل ندیم احمد انجم قومی سلامتی امور پر بریفنگ دیں گے۔ 

ذرائع کے مطابق  ارکان کو امن مذاکرات، سرحدوں کی صورتحال اوردیگر اہم سیکورٹی امورپراعتماد میں لیا جائے گا۔ 

ذرائع کاکہنا ہے کہ قومی سلامتی کے اداروں کے خلاف سوشل میڈیا پر ٹرینڈ چلانے سے متعلق معاملہ زیربحث آئے گا ۔ ارکان کوبیرونی اورداخلی سطح پردرپیش چیلنجز پر بھی اعتماد میں لیا جائے گا۔ 

دوسری طرف قومی اسمبلی اجلاس کے دوران حکومت نے ایک بار پھر تحریک انصاف کو ایوان کی کارروائی میں حصہ لینے کی دعوت دی ہے۔