اسٹیٹ بینک نے چین سے ملنے والے قرض کی منتقلی کی تصدیق کر دی

تفصیلات کے مطابق اسٹیٹ بینک آف پاکستان نے ٹوئیٹر اکاؤنٹ سے جاری ایک پیغام میں چین سے ملنے والے 2 ارب 30 کروڑ ڈالر قرض کی منتقلی کی تصدیق کی ہے۔

اس سے قبل وزیر خزانہ مفتاح اسماعیل نے ٹوئیٹر پر جاری ایک پیغام میں بتایا تھا کہ چینی بینکوں کے کنسورشیم نے تقریباً 2.3 ارب ڈالر کی رقم اسٹیٹ بینک آف پاکستان کے اکاؤنٹ میں جمع کرادی ہے۔

#SBP has received the Chinese Consortium Loan of RMB15bn today. https://t.co/upjWTsaq2p

— SBP (@StateBank_Pak) June 24, 2022

اپنے پیغام میں مفتاح اسماعیل نے کہا کہ چین کی جانب سے دیے جانے والے لون کی منتقلی کے بعد ہمارے زرمبادلہ کے ذخائر بڑھ گئے ہیں۔ 

میڈیا رپورٹس کے مطابق وزارت خزانہ کا کہنا ہے کہ چین کی طرف سے دیا گیا قرض کمرشل ہوگا جس پر شرح سود 1.5 فیصد شائبور (شنگھائی انٹر بینک آفر ریٹ) ہوگی۔