مائیکل جیکسن کو مداحوں سے بچھڑے 13 برس بیت گئے 

مائیکل جیکسن 29 اگست 1958 کو امریکی ریاست انڈیانا میں پیدا ہوئے۔ انہوں نے صرف 5 سال کی عمر میں موسیقی کے میدان میں قدم رکھا ، ابتداء میں اپنے بھائیوں کے ساتھ بینڈ ”جیکسن فائیو“ بنایا اس دوران ”بین اور گوٹ ٹو بی دیئر “ جیسے شاندار ہٹ البم دیے ۔ 

صرف گیارہ برس کی عمر میں وہ ایک بہترین گلوکار اور ڈانسر کے طور پر اپنا نام منوا چکے تھے ، جیکسن 70ءکی دہائی تک دنیا کے ایک بہترین سنگر اور ڈانسر کے طور پر سامنے آئے اور پھر چھا  گئے ۔

1981ءمیں ان کے کریئر کو وہ عروج حاصل ہوا جو بہت کم لوگوں کو حاصل ہوتا ہے ، انکے البم’تھرلر‘ نے ایسا تہلکہ مچایا کہ وہ  دنیا کا سب سے زیادہ فروخت ہونیوالا البم  قرار دیا گیا۔

مائیکل جیکسن کی آواز کے ساتھ ساتھ ان کے انوکھے ڈانس اسٹائلز نے بھی پوری دنیا میں مقبولیت حاصل کی۔

مائیکل جیکسن کی موت 25 جون 2009ءکو لاس اینجلس میں سکون آور ادویات کے بے جا استعمال کے باعث ہوئی۔  موت کے بعد جیکسن کو موسیقی کی دنیا میں وہ شہرت ملی جس کے لیے وہ اپنی زندگی کے آخری دنوں میں ترستے رہے تھے۔

کنگ آف پاپ  اب ہم میں نہیں مگر ان کے گیت آج بھی دنیا بھر میں موسیقی کے شوقین افراد کو جھومنے پر مجبور کردیتے ہیں۔