عمران خان کے گھر جاسوسی کیلئے لگائی جانیوالی ڈیوائس پکڑی گئی، ملازم ملوث نکلا

جی این این کے مطابق یہ دعویٰ سابق وزیراعظم عمران خان کے چیف آف اسٹاف شہباز گل نے سماجی رابطوں کی ویب سائٹ ’ٹوئٹر‘ پر جاری کردہ بیان میں کیا ہے۔ 

شہباز گل کے مطابق جاسوسی ڈیوائس لگانے کے لیے عمران خان کے گھر کے ملازم کو پیسے دیے گئے تھے، ملازم گزشتہ چھ سال سے چیئرمین پی ٹی آئی کے گھر کام کرتا ہے۔

عمران خان کے کمرے میں جاسوس ڈیوائس لگوانے کی کوشش نکام
ملازم کو عمران خان کے کمرے میں ڈیوائس لگوانے کے لئے پیسے دئیے گے
بنی گالہ سیکیورٹی نے ملازم کو پکڑ کر پولیس کے حوالے کر دیاhttps://t.co/R08R7JsUXP

— Dr. Shahbaz Gill ( Updates ) (@DRSGUPDATES) June 26, 2022

انہوں ںے کہا کہ ملازم کو عمران خان کے گھر میں ڈیوائس لگانے کا کہا گیا اور دیگر ملازمین سے رابطہ کرنے کا بھی کہا گیا تھا۔

شہباز گل کے مطابق پکڑے جانے والے ملازم کو سیکیورٹی نے پولیس کے حوالے کردیا تھا لیکن عمران خان نے ملازم کو معاف کر کے بحفاظت اس کے خاندان کے حوالے کردیا۔