جی این این سوشل

کھیل

آئی سی یو میں داخل ظہیر عباس کی حالت بہتر ہونے لگی

لندن: انتہائی نگہداشت وارڈمیں داخل پاکستان کےمعروف سابق ٹیسٹ کرکٹر ظہیر عباس کی طبعیت میں بہتری آنے لگی ہے۔

پر شائع ہوا

کی طرف سے

آئی سی یو میں داخل ظہیر عباس کی حالت بہتر ہونے لگی
جی این این میڈیا: نمائندہ تصویر

ظہیر عباس کی اہلیہ ثمینہ عباس نے نجی چینل سے گفتگو میں بتایا کہ ڈاکٹرز نے بہتر نگہداشت کے لیے ظہیر جو آئی سی یو میں رکھا ہوا ہے، ظہیر عباس دبئی میں کورونا کا شکار ہوئے تھے، پی سی آر  ٹیسٹ کا نتیجہ منفی آنے پر گزشتہ اتوار لندن منتقل کیا گیا تھا۔

انہوں نے مزید بتایا کہ اب ان کی طبیعت میں بہتری آنا شروع ہوگئی ہے، ڈاکٹرز نے بہتر نگہداشت کے لیے انہیں ابھی تک آئی سی یو میں ہی رکھا ہوا ہے، ضرورت پڑنے پر  دوسرے اسپتال منتقلی کا حتمی فیصلہ ڈاکٹرز کریں گے۔

پاکستان

آرمی چیف سرکاری دورے پر برطانیہ پہنچ گئے

راولپنڈی : آرمی چیف جنرل قمرجاوید باجوہ سرکاری دورے پر برطانیہ پہنچ گئے۔

پر شائع ہوا

ویب ڈیسک

کی طرف سے

آرمی چیف سرکاری دورے پر برطانیہ پہنچ گئے

آئی ایس پی آر کے مطابق آرمی چیف رائل ملٹری اکیڈمی Sandhurst میں بطور مہمان خصوصی پاسنگ آؤٹ پریڈ میں شرکت کریں گے۔

آئی ایس پی آر کے مطابق آرمی چیف جنرل قمر جاوید باجوہ اپنے دورے میں برطانوی فوجی قیادت سے ملاقات بھی کریں گے۔

 

پڑھنا جاری رکھیں

پاکستان

اداروں کیخلاف بولنے والے ہاتھوں میں تسبیح پکڑ کر حاجی بن گئے ہیں، فیاض چوہان

لاہور: وزیر اعلیٰ پنجاب ترجمان فیاض الحسن چوہان نے کہا ہے کہ اداروں کے خلاف بولنے والے آج ہاتھوں میں تسبیح پکڑ کر حاجی بن گئے ہیں۔

پر شائع ہوا

ویب ڈیسک

کی طرف سے

اداروں کیخلاف بولنے والے ہاتھوں میں تسبیح پکڑ کر حاجی بن گئے ہیں، فیاض چوہان

 

وزیر اعلیٰ پنجاب کے ترجمان فیاض الحسن چوہان نے پریس کانفرنس کرتے ہوئے کہا کہ امپورٹڈ حکومت اور آل شریف سیاست میں ناکام طوفان اٹھانے کی کوشش کر رہے ہیں اور ریاستی اداروں کے خلاف زبان استعمال کرنے والے آج پی ٹی آئی کے خلاف بات کر رہے ہیں۔

انہوں نے کہا کہ امریکہ کی مشہور و معروف جرنلسٹ نے کتاب میں نواز شریف کی حقیقت لکھی ہے جبکہ لوٹ مار ایسوسی ایشن کے کئی ویڈیو کلپ اداروں کے خلاف بولنے کے موجود ہیں لیکن آج یہ ہاتھ میں تسبیح پکڑ کر حاجی بن گے ہیں۔

فیاض الحسن چوہان نے کہا کہ ن لیگ کی ملازمہ الزام لگاتی ہیں کہ پی ٹی آئی کی وجہ سے یہ حالات ہیں جبکہ ملک میں سب سے زیادہ ٹیکس ہمارے دور میں اکٹھا ہوا۔ کیا ملک کی تاریخ میں ایکسپورٹ میں سب سے زیادہ اضافہ ہونا نااہلی ہے؟

سیلاب متاثرین کی ریلیف سے متعلق بات کرتے ہوئے انہوں نے کہا کہ عیسی خیل میں آنے والے سیلابی ریلے میں جاں بحق افراد کے لواحقین کے لیے 8 لاکھ روپے کا اعلان کیا ہے۔

انہوں نے کہا کہ پنجاب میں پارکنگ مافیا پرسر پیکار تھا اور ن لیگ والے اپنی حکومت میں کارکنوں کو پارکنگ کے ٹھیکے دے کر لوٹ مار کرتے تھے تاہم وزیر اعلیٰ پنجاب پرویز الہٰی نے فیصلہ کیا ہے کہ اب پارکنگ مافیا کو پنپنے نہیں دیا جائے گا۔

ترجمان وزیر اعلیٰ پنجاب نے کہا کہ حمزہ شہباز کی حکومت پرفارم کچھ نہیں کر رہی تھی بلکہ تاجروں پر پابندیاں لگا رہی تھی لیکن وزیر اعلی پرویز الہٰی نے تاجروں پر تمام پابندیاں ختم کرنے کا اعلان کر دیا ہے اور تمام اضلاع سے پارکنگ فیس کو بھی ختم کرنے کا فیصلہ کر لیا ہے۔

پڑھنا جاری رکھیں

پاکستان

اسلام امن اور رواداری کا مذہب ہے ، اقلیتوں کے قومی دن پر وزیراعظم کا پیغام 

اسلام آباد: وزیر اعظم اسلامی جمہوریہ پاکستان محمد شہباز شریف کی طرف سے اقلیتوں کے قومی دن کے مو قع پرخصوصی  پیغام    جاری کیا گیا ہے ۔

پر شائع ہوا

ویب ڈیسک

کی طرف سے

اسلام امن اور رواداری کا مذہب ہے ، اقلیتوں کے قومی دن پر وزیراعظم کا پیغام 

تفصیلات کے مطابق وزیر اعظم محمد شہباز شریف نے کہا ہے کہ اسلام امن اور رواداری کا مذہب ہے، دین کے معاملے میں کوئی جبر نہیں ہے ، ہمارے آئین میں مذہب کی آزادی اور ہماری اقلیتوں کی جان ومال اور املاک کی تکریم کو باقاعدہ قانونی شکل دی گئی ہے ، پاکستان بلا کسی ذات پات، رنگ و نسل اور مذہب کی تفریق کے ہم سب کا ہے اور ہم سب نے مل کر ہی اسکی ترقی و خوشحالی کیلئے اپنی جدوجہد جاری رکھنی ہے۔

اقلیتوں کے قومی دن کے مو قع پر وزیر اعظم اسلامی جمہوریہ پاکستان محمد شہباز شریف نے اپنے پیغام میں ہر سال پاکستان کی تعمیر و ترقی میں اقلیتوں کے کلیدی کردار کو خراجِ تحسین پیش کرنے ، انکے ہماری عظیم قوم کا لازم حصہ ہونے اور مذہبی اقلیتوں کے احترام کے عزم کا اعادہ کرنے کیلئے 11 اگست کو “قومی اقلیتی دن” کے طور پر منایا جاتا ہے۔

انہوں نے کہا کہ ہمارے آئین میں مذہب کی آزادی اور ہماری اقلیتوں کے افراد اور املاک کی تکریم کو باقاعدہ قانونی شکل دی گئی ہے۔ انہوں نے کہا کہ حکومت کو نہ صرف ان ذمہ داریوں کا بخوبی ادراک ہے بلکہ ان مقاصد کے حصول کے لیے اپنے عزم کی مستقل یاد دہانی کے طور پر حکومت نے 11 اگست کو سرکاری سطح پر شاندار طریقے سے قومی اقلیتی دن کے طور پر منانے فیصلہ کیا ہے ۔ ان اسباب کا خاتمہ اور خامیوں کی اصلاح کرنا جو سماجی و مذہبی استحصال کا باعث بن سکتی ہیں، ہماری حکومت کی پالیسیوں کا بنیادی ستون ہے۔

وزیراعظم شہباز شریف نے کہاکہ سماجی و اقتصادی خلیج کو پورا کرنے اور ہماری اقلیتوں کے لیے تعلیمی اداروں اورنمایاں خدمات کے لیے نمائندہ فورمز پر خصوصی کوٹہ مختص کرنے جیسے اقدامات سے قومی سطح پر ہر کسی کو یکساں تعلیم و ترقی کے مواقع کی فراہمی یقینی بنانے کی کوشش کی گئی ہے ۔  اس کے علاوہ اقلیتوں کے معاشی طور پر کمزور طبقات کے حقوق کے یقینی تحفظ اور ترقی کے لیے وقف مالی امداد بھی ان اقدامات کا حصہ ہے۔

شہبازشریف  نے کہا کہ میں اقلیتوں کی بہتری اور ہماری قومی ترقی کی کوششوں اور جدوجہد میں ان کی مکمل شمولیت کے لیے اپنی کوششوں کو جاری رکھنے، وسائل کو بروئے کار لانے اور انہیں مزید وسعت دینے کے حکومت کے عزم کا اعادہ کرتا ہوں۔

وزیر اعظم نے کہاکہ میں اس موقع پر تمام اقلیتی برادریوں کے اپنے بھائیوں سے بھی اپیل کروں گا کہ وہ رواداری اور باہمی اتفاق کی فضا کو فروغ دینے کے لیے اپنا کردار ادا کرتے رہیں کیونکہ ہمارے معاشرے میں یہی واحد راستہ ہے جو بین المذاہب ہم آہنگی اور امن کو فروغ دینے کے ہمارے مشترکہ مقصد کے حصول کا باعث بنے گا۔

انہوں نے کہا کہ پاکستان بلا کسی ذات پات، رنگ و نسل اور مذہب کی تفریق کے ہم سب کا ہے اور ہم سب نے مل کر ہی اسکی ترقی و خوشحالی کیلئے اپنی جدوجہد جاری رکھنی ہے۔

پڑھنا جاری رکھیں

ٹرینڈنگ

Take a poll