2 جولائی کو امپورٹڈ حکومت کے خلاف ملک گیر احتجاج کریں گے:عمران خان

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان نے کہا کہ امریکی سازش کے تحت پاکستان پر مسلط کی گئی امپورٹڈ حکومت کے خلاف 2 جولائی کو ملک گیر احتجاج کریں گے۔

انہوں نے کہا عوام کو کچلتی ہوئی مہنگائی اور حکومت کی جانب سے اپنی 1100 ارب کی کرپشن بچانے کے لیے این آر او 2 کے خلاف ملک بھر میں پرامن احتجاج کریں گے، اسلام آباد کےاحتجاج کی قیادت میں پریڈ گراؤنڈ میں کروں گا۔

On 2 July we will hold peaceful protests across Pakistan against Imported govt imposed on Pak by US regime change conspiracy & the NRO2 they engineered to save their Rs 1100 bn corruption plus spiralling prices crushing nation. I will lead the Islamabad protest at Parade Ground.

— Imran Khan (@ImranKhanPTI) June 27, 2022

اس سے قبل سابق وزیر اعظم عمران خان کی زیر صدارت ایک اعلیٰ سطحی سیاسی کمیٹی کا اجلاس میں

تفصیلات کے مطابق چیئرمین پی ٹی آئی عمران خان کی زیر صدارت پاکستان تحریک انصاف کی اعلیٰ سطحی سیاسی کمیٹی کا اجلاس ہوا جس میں ملکی مجموعی سیاسی صورتحال اور آئندہ کے لائحہ عمل سے متعلق جائزہ لیا گیا۔

اجلاس میں سابق وزیر اعظم نے کہا کہ نااہل، نالائق اور امپورٹڈ مجرموں کی فسطائی حکومت کے خلاف بھرپور تحریک ملک و قوم کے مستقبل کے لیے نہایت اہمیت کی حامل ہے، باشعور عوام کا پرجوش ردعمل امپورٹڈ کٹھ پتلیوں کے لیے خوف کی علامت بن چکا ہے۔