اردن: گیس ٹینک گر کر پھٹ گیا، زہریلی گیس کے اخراج سے 10 ہلاک

سرکاری حکام نے شہریوں کو ہدایت دی ہے کہ گھروں کی کھڑکیاں بند رکھیں اور گھر سے باہر نہ نکلیں۔

اردن کی سرکاری خبر رساں ایجنسی کے مطابق مہلک گیس سے بھرا ہوا ٹینک بحری جہاز کے عرشے پر منتقل کیا جارہا تھا کہ اس دوران گر کر پھٹ گیا۔

عقبہ بندرگاہ سے لوگوں کے انخلا کے لیے طیارے بھیج دیے گئے ہیں، جبکہ خصوصی ٹیمیں گیس لیکیج سے نمٹنے کے لیے کام کر رہی ہیں۔

سرکاری ٹی وی کے مطابق اردن کے وزیراعظم نے واقعے کی تحقیقات کے لیے خصوصی ٹیم بھی تشکیل دے دی ہے۔