اوئن مورگن کا انٹرنیشنل کرکٹ سے ریٹائرمنٹ کا اعلان

تفصیلات کے مطابق ای سی بی کی جانب سے جاری ہونے والے بیان میں اوئن مورگن نے کہا ہے ’بہت غور  کے بعد میں یہاں فوری طور پر بین الاقوامی کرکٹ سے ریٹائرمنٹ کا اعلان کرنے آیا ہوں۔‘

تاہم رواں سال 35 سالہ بلے بازکو پرفارمنس اور فٹنس کے مسائل کا سامنا رہا۔  مورگن کا کہنا تھا  کہ بلاشبہ اپنے کیریئر کے سب سے پرلطف اور فائدہ مند باب کے بعد یہ آسان فیصلہ نہیں تھا۔

غیر ملکی خبر رساں ادارے کی رپورٹ کے مطابق آئرلینڈ سے تعلق رکھنے والے مورگن انگلینڈ کی جانب سے سب سے زیادہ ون ڈے میچز کھیلنے اور رنز بنانے والے کرکٹر ہیں۔مورگن انگلینڈ کی جانب سے 225 ون ڈے اور 115 ٹی 20 میچز کھیلے ہیں۔ 

مورگن کی کپتانی میں انگلینڈ نے سنہ 2019 کا ورلڈ کپ جیتا تھا۔ اس کے علاوہ ان کی قیادت میں ٹیم ون ڈے اور ٹی 20 کی رینکنگ میں اول نمبر پر  رہی۔