عمران خان کو نکالنے کی غلطی کا احساس ہو گیا ہے:شیخ رشید

نجی نیوز چینل سے گفتگو میں عوامی مسلم لیگ کے سربراہ شیخ رشید نے کہا کہ آنے والے دنوں میں خوراک کا بحران اور لوگوں میں نفرت کی وہ چنگاری دیکھ رہا ہوں جو کسی سے سنبھالی نہیں جائے گی۔

شیخ رشید نے کہا کہ لوگوں کے پاس قبر کے پیسے نہیں ہیں، ملک کے حالات بہت خوفناک دیکھ رہا ہوں،اب بات الیکشن کمیشن اور حکومت سے آگے نکل گئی ہے، سپریم کورٹ کا 63 اے کا فیصلہ پاکستان کی سیاست میں اہم ترین فیصلہ ہوگا۔

انہوں نے کہا کہ میں عمران خان کے ساتھ ہوں، عمران خان کو چھوڑنے کا مجھے کوئی پیغام نہیں آیا اور نہ آسکتا ہے، جو لوگ عمران خان کو چھوڑ کر گئے وہ اب پچھتا رہے ہیں۔

ان کا کہنا تھا کہ ہمیں ہر حال میں اداروں کو بچانا چاہئے، عمران خان کو نکلالنا بڑی غلطی تھی، عمران خان کو نکالنے کی غلطی کا احساس ہو گیا ہے، سورج مغرب سے نکل سکتا ہے لیکن زرداری حکومت نہیں آئے گی،جولائی کا مہینہ اہم ہے۔