تفصیلات کے مطابق محکمہ موسمیات نے ملک کے بیشتر حصوں میں آج سے بارشوں کی  پیش گوئی کردی ہے ۔ شہر قائد میں  بارش کا سلسلہ 14 اگست تک جاری رہ سکتا ہے جس دوران سمندر میں شدید طغیانی ہوسکتی ہے۔ بارش سے کراچی کے نشیبی علاقے بھی زیر آب آنے کا خدشہ ہے۔ 

محکمہ موسمیات کا کہنا ہے کہ مون سون سسٹم وسطی بھارت اور گجرات کے قریب موجود ہے، مون سون کے کم دباو کی شدت تاحال برقرار ہے جس کے باعث آج دوپہر میں ہلکی بارش ہوسکتی ہے۔ چار سے پانچ دن کے اس اسپیل میں کراچی میں  100 سے 150 ملی میٹر بارش کی امید کی جارہی ہے ، بلوچستان میں بارش کا سلسلہ وقفے وقفے سے 16 یا 17 اگست تک جاسکتا ہے۔

کراچی میں بدھ کے روز بھی بعض علاقوں میں علی الصبح بوندا باندی ہوئی جبکہ  شہر  میں چند مقامات پر موسلا دھار بارش کا بھی امکان ہے۔ 

اندرون سندھ بارشوں سے ٹھٹھہ ، بدین ، دادو، جام شورو ، لاڑکانہ ، شہید بینظیرآباد اور میرپور خاص میں نشیبی علاقے زیر آب آ سکتے ہیں۔

محکمہ  موسمیات  کے مطابق بلوچستان میں آج سے 13 اگست تک مون سون کے نئے اسپیل سے متعلق الرٹ جاری کیا گیا ہے۔  ژوب، بارکھان ، آواران، واشک ، خاران، قلات ، پنجگور، کیچ،خضدار اور لسبیلہ میں کہیں ہلکی اور کہیں موسلادھار بارش کی پیش گوئی  ہے۔  

جسٹس عامرفاروق نے استفسار کیا کہ انتخابی شیڈول معطل کرنے کی قانونی وجہ کیا ہے؟۔

جسٹس عامر فاروق نے تحریک انصاف کی 9 حلقوں کے ضمنی الیکشن کا شیڈول معطل کرنے کی درخواست پرسماعت کی،پی ٹی آئی وکیل فیصل چوہدری کا کہنا تھا کہ ہماری استدعا ہے کہ الیکشن شیڈول معطل کیا جائے۔

جسٹس عامرفاروق نے کہا کہ آپ ایک الیکشن روکنے کی استدعا کر رہے ہیں کوئی قانونی جواز بتائیں؟  فیصل چوہدری نے موقف اپنایا کہ استعفوں کی مرحلہ وار منظوری کے خلاف درخواست زیرسماعت ہے۔

جسٹس عامرفاروق نےریمارکس دیئے کہ 123 حلقوں میں بھی الیکشن ہوجائے گا پہلے یہ تو ہونے دیں،آپ الیکشن لڑیں،فیصل چوہدری نے کہا کہ ہم تو الیکشن لڑنے کیلئے تیار ہیں، 123 حلقوں میں الیکشن کرائیں،عدالت نے کیس کی سماعت 16 اگست تک ملتوی کر دی۔

 اوقات کار کی پابندی کے خاتمے کا تاجروں کا بڑا مطالبہ مان لیا گیا۔ وزیراعلی پنجاب نے صوبے بھر میں کاروباری اوقات کار پر پابندی ختم کر دی۔

پنجاب بھر میں رات نوبجے دکانیں بند کرنے کے حکم نامے کو معطل کر دیا گیا۔ کاروباری سرگرمیاں اتوار کے روز بھی جاری رکھنے کی اجازت دے دی گئی۔

وزیر اعلی پنجاب چودھری پرویز الہی نے کاروباری اوقات کار پر پابندی ختم کر دی۔  تاجر برادری کی درخواست پر عمل کرتے ہوئے وزیر اعلی پنجاب نے اوقات کار پر پابندی ختم کی۔

وزیر اعلی پنجاب نے سیکریٹری انڈسٹری کو جلد نوٹیفیکیشن جاری کرنے کا حکم دے دیا۔ پرویز الہیٰ کا کہنا ہے کہ تاجر برادری رات گئے تک کاروبار کرسکے گی۔