امریکہ میں یوم آزادی کی پریڈ کے دوران فائرنگ، 6 افراد ہلاک

بین الاقوامی نیوز ایجنسی کی رپورٹ کے مطابق امریکہ میں یوم آزادی کے موقع پر منعقدہ پریڈ میں فائرنگ سے 6 افراد جان کی بازی ہار گئے جبکہ 24 افراد زخمی ہوئے ہیں، واقعہ شکاگو کے مضافات میں واقع ہائی لینڈ پارک میں پیش آیا۔

امریکی میڈیا کے مطابق فائرنگ میں زخمی ہونے والوں کو فوری طور پر اسپتال منتقل کر دیا گیا ہے تاہم زخمیوں ہونے والوں کی تعداد حتمی نہیں ہے۔

میئر شکاگو نے لوگوں کو گھروں میں رہنے کی ہدایت کرتے ہوئے کہا ہے کہ حساس ادارے مقامی حکام کے ساتھ مل کر کام کر رہے ہیں، صورت حال اب بھی کشیدہ ہے۔

رپورٹس میں بتایا گیا ہے کہ مشتبہ شخص کو ابھی تک حراست میں نہیں لیا گیا، سکیورٹی اداروں نے جائے وقوعہ سے شواہد بھی اکھٹے کرنے شروع کردیے ہیں۔