عمران خان! سن لو، تم کچھ بھی کر لو نواز اور شہباز غریب عوام کا گھر روشن کریں گے:مریم نواز

ضمنی انتخابات کے حوالے سے شیخوپورہ کمپنی باغ میں جلسہ عام سے خطاب کرتے ہوئے مریم نواز نے کہا کہ نوازشریف اورشہبازشریف نے ملک کو پہلے بھی بحرانوں سے نکالا تھا، اس باربھی ن لیگ عوام کو بحرانوں سے نکالےگی، عوام کا جذبہ بتا رہا ہے کہ 17 جولائی کو شیر آ رہا ہے۔

مریم نواز نے اپنے خطاب میں کہا کہ آج کل وہ ٹی وی پر وہ آکر ڈیڑھ ڈیڑھ گھنٹہ جھوٹ بول کر چلا جاتا ہے لیکن ڈیڑھ گھنٹے میں ڈیڑھ منٹ بھی نہیں بتا سکتا کہ پنجاب والو، میں نے آپ کی کیا خدمت کی ہے، کبھی عوام کو یہ تو بتا دو چارسال میں عوام کی کیا خدمت کی ہے۔

انہوں نے سابق وزیر اعظم کو مخاطب کرتے ہوئے کہا کہ لوگوں کے منہ سے جو نوالہ تم نے چھینا ہے پنجاب تمہیں معاف نہیں کرے گا،  17 جولائی کے بعد عوام کی بجلی فری دیں گے۔  

مہنگائی پر بات کرتے ہوئے مریم نواز نے کہا کہ عمران خان کی وجہ سے ہمیں بجلی مہنگی کرنی پڑی، عمران حکومت نے آئی ایم ایف سے معاہدہ کیا، معاہدے کی وجہ سے قیمتیں بڑھانا پڑیں، مہنگائی عمران خان کے 4 سالہ ظلم کی وجہ سے ہے۔