پاکستان اورسری لنکا کے درمیان دوسرا ٹیسٹ میچ کل شروع ہوگا

تفصیلات کے مطابق پاکستان اور سری لنکا کی کرکٹ ٹیموں کے درمیان سیریز کا دوسرا اور آخری ٹیسٹ میچ اتوار سے گال انٹرنیشنل سٹیڈیم میں شروع ہو گا ، پاکستان کو سیریز میں 0-1 کی برتری حاصل ہے۔ 

پاکستانی ٹیم مایہ نازبلے باز  بابر اعظم کی زیر قیادت میدان میں اترے گی ، فاسٹ باؤلر شاہین  شاہ آفریدی انجری کے باعث دوسرا ٹیسٹ نہیں کھیل سکیں گے ، ان کی جگہ حارث رؤف یا فہیم اشرف کو ٹیم میں شامل کئے جانے کا امکان ہے۔

 سری لنکن ٹیم کو دیمتھ کرونا رتنے لیڈ کر رہے ہیں  ، جبکہ ٹاپ آرڈر بیٹر پاتھم نسانکا فٹنس مسائل سے نجات حاصل کرنے میں کامیاب ہو گئے ہیں اور دوسرے ٹیسٹ میچ کیلئے  دستیاب ہوں گے جبکہ انجرڈ ماہیش تھیکشنا کی جگہ لکشیتھا مانا سنگھے کا ٹیسٹ ڈیبیو متوقع ہے۔

واضح رہے کہ گال میں کھیلے گئے پہلے ٹیسٹ میچ میں پاکستان نے میزبان سری لنکا کے خلاف 4 وکٹوں سے کامیابی حاصل کی تھی۔