سابق وزیر اعظم عمران خان رات دس بجے قوم سے خطاب کریں گے

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان نے کہا کہ آئین و قانون کو بالادست بنانے والے سپریم کورٹ کے فیصلے کی حمایت و تائید میں کل شام گھروں سے نکلنے پر میں پوری قوم کاشکرگزار ہوں۔

انہوں نے کہا کہ ایک خودمختار پاکستان کےحصول کی حکمتِ عملی اپنے عوام کے سامنے رکھنے کے لیے میں آج شب 10 بجے قوم سے مخاطب ہوں گا۔

I want to thank the nation for coming out spontaneously last evening in support of the SC decision upholding Constitution & the Law. Tonight I will address our people at 10:00pm giving them our way forward for a sovereign Pakistan.

— Imran Khan (@ImranKhanPTI) July 27, 2022

واضح رہے کہ گزشتہ شب عدالتی فیصلے پر پنجاب کے مختلف شہروں لاہور، فیصل آباد، ملتان، گوجرانوالا سمیت صوبے بھرمیں پی ٹی آئی کے کارکنوں نے جشن منایا۔

گوجرانوالا، سیالکوٹ، شکرگڑھ ، لودھراں، حافظ آباد، بہاول نگر، کمالیہ، گوجرہ، گجرات، ٹوبہ ٹیک سنگھ، راجن پور اور پنجاب کے دیگر شہروں میں کارکنوں نے بھنگڑے ڈالے اور ڈھول کی تھاپ پر رقص کیا۔

اس موقع پر کارکنوں نے عمران خان کے حق میں بھرپور نعرے بازی کی جبکہ تحریک انصاف کے کارکنان کی جانب سے مٹھائیاں بھی تقسیم کی گئیں۔