ڈپٹی اسپیکر دوست مزاری کے خلاف تحریک عدم اعتماد کامیاب

تفصیلات کے مطابق ڈپٹی اسپیکر پنجاب اسمبلی دوسے مزاری کے خلاف تحریک عدم اعتماد کامیاب ہو گئی ہے، دوست مزاری اب ڈپٹی اسپیکر نہیں رہے۔

اسپیکر پنجاب اسمبلی سبطین خان نے دوست مزاری کے خلاف عدم اعتماد کی تحریک کی وجوہات بیان کیں جس کے بعد سیکرٹری اسمبلی عنایت اللہ لک نے ووٹنگ کے طریقہ کار کا اعلان کیا۔

میڈیا ذرائع کے مطابق تحریک عدم اعتماد پر ووٹنگ سے قبل خالی بیلٹ باکس ایوان میں دکھائے گئے جس کے بعد تحریک پر ووٹنگ کا آغاز ہوا۔

مجموعی طور پر دوست مزاری کے خلاف تحریک عدم اعتماد کے حق میں 186 ووٹ پڑے ہیں جبکہ نئے ڈیپٹی اسپیکر کا انتخاب 2 روز میں کروانے کا فیصلہ کیا گیا ہے۔