کامن ویلتھ گیمز2022ء، پاکستانی کھلاڑی 200 میٹر ریس کے سیمی فائنل میں پہنچ گئے

تفصیلات کے مطابق برمنگھم میں الیگزنڈر اسٹیڈیم میں جاری مقابلوں میں پاکستان کے شجر عباس نے 200 میٹر ریس کی ہیٹ میں پہلی پوزیشن پاکر اگلے مرحلے کے لیے کوالیفائی کر لیا ہے۔

میڈیا رپورٹس کے مطابق شجر عباس نے 200 میٹر ریس 21.12 سکینڈز میں مکمل کی، نوجوان 100 میٹر ہیٹ میں چوتھے نمبر پر رہے تھے۔

شجر اس سے قبل کئی بین الاقوامی ایونٹس میں ملک کانام روشن کرچکے ہیں، 25 سال کے بعد یہ پہلا موقع ہے کہ جب ایک پاکستانی نے 200 میٹر ریس میں سیمی فائنل تک رسائی حاصل کی ہے۔