سماجی رابطے کی ویب سائیٹ ٹوئیٹر پر جاری پیغام میں شہباز گل نے کہا کہ اگلے چند دن میں پنجاب میں کمیٹی 25 مئی کی قتل و غارت پر اپنی کارروائی شروع کرے گی۔

انہوں نے جاری پیغام میں کہا کہ اگر وزیر داخلہ رانا ثناء اللہ کمیٹی کے سامنے پیش نہ ہوئے تو ان کو پنجاب کی حدود میں داخل ہوتے ہی گرفتار کر لیا جائے گا۔

اگلے چند دن میں پنجاب میں کمیٹی 25 مئی کی قتل و غارت پر اپنے کاروائی شروع کرے گی۔ اگر رانا ثنا پیش نہ ہوئے تو رانا ثنا کو پنجاب کی حدود میں داخل ہوتے ہی گرفتار کر لیا جائے گا۔

— Dr. Shahbaz GiLL (@SHABAZGIL) August 7, 2022

میڈیا رپورٹس کے مطابق ترجمان ضلعی انتظامیہ کا کہنا ہے کہ ہوٹل بکنگ کے بغیر آنے والے سیاحوں کو 17 میل ٹول پلازہ  سے واپس بھیجا جا رہا ہے۔

ترجمان نے شہریوں سے ہوٹل بکنگ کے  بغیر مری کا سفر کرنے سے گریز کی درخواست کرتے ہوئے کہا کہ سیاحوں کی بڑی تعداد مری آنے پر ٹریفک کی روانی متاثر ہو رہی ہے۔

خیال رہے کہ بڑی تعداد میں سیاحوں کے مری کا رخ کرنے کی وجہ سے مال روڈ، بھوربن، گھڑیال، جھیکا گلی سمیت مختلف شاہراہوں پر گاڑیوں کی قطاریں لگ گئی ہیں جس سے ٹریفک کی رفتار انتہائی سست ہو گئی ہے۔

غیر ملکی خبر ایجنسی کے مطابق اقوام متحدہ کی سلامتی کونسل نے فلسطین کی تازہ صورت حال پر غور کے لیے کل بروز پیر ہنگامی اجلاس طلب کر لیا ہے۔

فلسطینی اتھارٹی کی جانب سے اسرائیل کی جارحیت پر بحث کے لیے سلامتی کونسل کا اجلاس منعقد کرنے کی درخواست جمع کروائی گئی تھی جسے منظور کر لیا گیا، سلامتی  کونسل نے غزہ پر اسرائیلی فضائی حملوں کی مذمت  بھی کی گئی ہے۔

واضح رہے کہ اسرائیل کی جانب سے مسلسل دوسرے روز بھی غزہ پر خوفناک بمباری جاری ہے، اسرائیلی فضائی حملوں میں اب تک 6 فلسطینی بچوں سمیت 24 افراد شہید جبکہ متعدد زخمی ہوئے ہیں۔