اسلام آباد:8محرم الحرام کا جلوس جامعہ المرتضیٰ جی نائن فورسے برآمد

جلوس میں عزدارن امام عالی مقام نے نوحہ خوانی اور مرثیہ خوانی کرتے ہوئے شہدائے کربلا کو ہدیہ عقیدت پیش کیا۔ 

محمدی چوک نزد کراچی کمپنی میں علامہ سید قمرحیدرزیدی نے شہادتِ امام ؑعالی مقام اور فلسفہ حسینیت ؑ کے موضوع پر خطاب کیا۔

جلوسِ عزاء اپنے مقررہ راستوں سے ہوتا ہوا کراچی کمپنی پہنچ کر اختتام پذیر ہوگا، جلوس کے راستوں میں پولیس اہلکاروں سمیت خواتین اہلکار بھی تعینات ہیں۔

جلوس میں داخل ہونے کے لیے مختص کردہ راستوں سے واک تھرو گیٹ کے ذریعے داخل ہونے کی اجازت ہوگی۔

جلوس کے داخلی راستوں پر رضا کار بھی اپنے فرائض انجام دے رہے ہیں جو سخت چیکنگ کے بعد عزاداران کو جلوس میں جانے کی اجازت دے رہے ہیں ۔

جلوس عزاء کے دوران کسی بھی غیر متعلقہ شخص کو داخلے کی اجازت نہیں ہے، جلوس کے اطراف بلڈنگز میں شوٹرز بھی تعینات کیے گئے ہیں۔