مشاورت کے ساتھ ہی ٹیم کا اعلان ہوا ، اب تبدیلی کا وقت نہیں : بابر اعظم

تفصیلات کے مطابق نیدر لینڈز کے ساتھ ون ڈے سریز کے لیے روانگی سے قبل لاہور میں پریس کانفرنس کرتے ہوئے کپتان بابراعظم نے کہا کہ ون ڈے میچز کافی دیر بعد ہو رہے ہیں ، ینگ اور تجربہ کار کھلڑیوں  پر مشتمل سکواڈ کا اعلان کیا گیا ، نئے کھلاڑیوں کو ضرور چانس دیں گے۔

کپتان بابر اعظم نے کہا کہ ہم کسی ٹیم کو ہلکا نہیں لے رہے ، ٹیم کوئی بھی ہو ہم نے پاکستان کے لیے کھیلنا ہے ۔ ایشیا کپ کیلیے شاہین فٹ ہوجائے ، ہمارے فاسٹ باولرز پرفارم کررہے ہیں، حسن علی کو میچ ونر کی وجہ سے سپورٹ کرتا ہوں ، عماد وسیم کا کیرئیر ختم نہیں ہوا،ہمیں جب بھی ضرورت ہوگی ہم اسے کھیلائیں گے ۔ 

بابر اعظم نے کہا کہ دورہ نیدر لینڈ کا کوئی خوف نہیں ہے،وہاں بھی انگلینڈ جیسا موسم ہوگا ، شعیب اور حفیظ کے بغیر ہمیں زیادہ فوکس ہونا ہوگا۔ آصف علی،خوشدل،افتخار پر اعتماد کریں گے ۔ انڈیا کیخلاف کوئی پریشر نہیں،جس طرح ورلڈ میں پرفارم کیا ویسا کرنے کی کوشش کریں گے۔ 

انہوں نے کامن ویلتھ گیمز میں گولڈ میڈل جیتنے والے کھلاڑیوں کو مبارکباد بھی پیش کی۔

واضح رہے کہ  پاکستان اور نیدرلینڈز کے مابین تین ون ڈے انٹرنیشنل میچز کی سیریز 16 اگست سے روٹرڈم میں شروع ہوگی۔