جی این این سوشل

تجارت

ملک میں سونے کی قیمت میں ایک ساتھ بڑی کمی

کراچی:ڈالر کی قیمت کمی کے بعد ملک میں سونے کی فی تولہ قیمت میں بھی 4 ہزار روپے سے زائد کی کمی ہو گئی۔

پر شائع ہوا

کی طرف سے

ملک میں سونے کی قیمت میں ایک ساتھ بڑی کمی
جی این این میڈیا: نمائندہ تصویر

سندھ صرافہ بازار جیولرز ایسوسی ایشن کے مطابق سونے کی فی تولہ قیمت 4300 روپے کم ہوئی ہے جس کے بعد ملک میں فی تولہ سونا 1 لاکھ 34 ہزار 200 روپے کا ہوگیا ہے۔

اسی طرح 10 گرام سونے کی قیمت 3 ہزار 686 روپے کم ہوکر 1 لاکھ 15 ہزار 55 روپے پر آ گئی ہے جبکہ عالمی مارکیٹ میں سونے کا ریٹ 27 ڈالر کمی کے ساتھ 1775 ڈالر فی اونس ہوگیا ہے۔

جرم

سارہ قتل کیس:ملزم شاہنواز اور والد ایاز امیر کا مزیدجسمانی ریمانڈ منظور

اسلام آباد: پاکستانی نژاد کینیڈین اہلیہ کے قتل کیس میں ملزم شاہنواز امیر اور والد ایاز امیر کاجسمانی ریمانڈ منظور کر لیا گیا۔ ایاز امیر کی اہلیہ کو تین روز کی عبوری ضمانت مل گئی۔

پر شائع ہوا

ویب ڈیسک

کی طرف سے

سارہ قتل کیس:ملزم شاہنواز اور والد ایاز امیر کا مزیدجسمانی ریمانڈ منظور

سیشن کورٹ اسلام آباد میں اہلیہ کو قتل کرنے سے متعلق کیس کی سماعت ہوئی۔سینئر صحافی ایاز امیر اور  مرکزی ملزم شاہنواز امیر سیشن کورٹ اسلام آباد میں پیش ہوئے۔

تفتیشی افسر نے عدالت کو بتایاکہ ملزمان سے  پاسپورٹ اور بینک تفصیل کو برآمد کرنا ہے۔7دن کے جسمانی  ریمانڈ کی استدعا ہے۔

جج نے استفسار کیا کہ ایاز امیر کا اس کیس سے کیا تعلق ہے؟ تفتیشی افسر نے بتایا کہ ملزم ایاز امیر کو مقتولہ کے چچا اور چچی نے نامزد کیا ہے۔ملزم ایاز امیر کا تعلق چکوال سے ہے اور ملزم شاہنواز امیر کا والد ہے

جج نے سوال  کیا کہ مقتولہ کے والدین کدھر ہیں؟ عدالت کو بتایا گیا کہ مقتولہ کے والدین کینڈا میں ہیں اور کل تک وہ پاکستان پہنچ جائیں گے۔

جج نے استفسار کیا کہ کیس میں وکیل کون ہے، صحافی ایاز امیر نے جواب دیا کہ میں خود ہی اپنا کیس لڑوں گا۔بہت بڑا صدمہ پہنچا وقوعہ کی اطلاع میں نے خود پولیس کو دی۔وقوعہ کے وقت میں چکوال میں تھا اور فوری طور پر آئی جی کو آگاہ کیا۔آئی جی نہیں تھے تو ایس پی رورل کو اطلاع دی۔

ان کا کہنا ہے کہ مجھے خدشہ تھا کہ وقوعہ میں کوئی اور زخمی نہ ہو۔پولیس کو سارا راستہ میں نے ہی بتایا۔پولیس نے مقدمہ درج کیا اور اپنا موقف دیا۔

عدالت نے  پولیس کی استدعا پرمرکزی ملزم شاہنواز امیر کا تین روزہ جبکہ ایاز امیر کا ایک روزہ جسمانی ریمانڈ منظور کر لیا۔ جبکہ سینئر صحافی ایاز امیر کی اہلیہ ثمینہ شاہ کی تین روز کیلئے عبوری ضمانت منظور کی گئی۔

عدالت نے  ملزمہ کو شامل تفتیش ہونے کا حکم دیتے ہوئے ملزمہ کو پچاس ہزار روپے کے ضمانتی مچلکے جمع کرانے کی ہدایت کی۔

پڑھنا جاری رکھیں

پاکستان

ایڈمنسٹریٹر کراچی مرتضٰی وہاب کا استعفیٰ دینے کا اعلان

قانون اس بات کی اجازت دیتا ہے کہ بلدیہ عظمٰی کراچی ٹیکس لگا سکتی ہے،جب حکومت کام کرتی ہے تو روک دیا جاتا ہے،مرتضٰی وہاب

پر شائع ہوا

ویب ڈیسک

کی طرف سے

ایڈمنسٹریٹر کراچی مرتضٰی وہاب کا استعفیٰ دینے کا اعلان

ایڈمنسٹریٹر بلدیہ عظمٰی کراچی مرتضٰی وہاب نے استعفٰی دینے کا اعلان کر دیا،مرتضٰی وہاب کا کہنا ہے کہ دن دیکھا اور نہ رات بس کام کیا،جس بلدیہ عظمٰی کے بارے میں کہا گیا کہ اختیارات نہیں اسی نہیں کام کیا۔

میڈیا رپورٹس کے مطابق مرتضٰی وہاب نے پریس کانفرنس کے دوران کہا کہ جب حکومت کام کرتی ہے تو روک دیا جاتا ہے،قانون اس بات کی اجازت دیتا ہے کہ بلدیہ عظمیٰ کراچی ٹیکس لگا سکتی ہے۔ 

میرے لئے آسان نہیں تھا کہ وزیر اعلٰی اور وزیراعظم کو پیسوں کیلئے کہتا۔سڑکوں پر پانی ہوتا ہے تو آپ نعیم الرحمان اور وسیم اختر سے نہیں پوچھتے۔آپ مجھ سے،حکومت سے اور بلدیہ عظمٰی کراچی سے پوچھتے ہیں۔

انکا کہنا تھا کہ بڑی مشکل سے کے الیکٹرک کو قائل کیا مگر کچھ لوگوں کو پسند نہیں آیا۔ کوشش ہے کراچی کی خدمت کروں،بارش میں بلدیہ عظمیٰ کراچی کے لوگوں نے پانی نکالا۔

میوہ شاہ قبرستان کی سڑک،شاہراہ لیاقت کو بنایا جا رہا ہے۔اگر بلدیہ عظمٰی کراچی شہریوں کو ریلیف دے رہی ہے مگر لوگوں کو پسند نہیں آ رہا۔ مرتضٰی وہاب نے کہا کہ 16ستمبرسے پھر ہم سڑکوں کی بحالی کے لیے روڈ پر تھے۔

5 جون 2008 سے آج تک یہ ٹیکس اکٹھا کیا جارہا ہے۔وسیم اختر کی چار سالہ حکومت میں جب وہ میئر تھے،یہ کیسے ہوسکتا ہے کہ کراچی کا ادارہ اپنی تنخواہیں نہیں دے سکتا،سڑکیں ٹھیک نہیں کرسکتا۔ 

انہوں نے مزید کہا کہ میرا ایمان ہے قانون کے مطابق چلنا ہی ہمیں آگے لیکر جائے گا،قانون میں درج ہے کہ بلدیہ عظمٰی کراچی ٹیکس لے سکتی ہے میں نے یہ ٹیکس جمع کرنے کے لیے کراچی الیکٹرک کا انتخاب کیا۔

ادھر سندھ ہائیکورٹ نے بجلی کے بلوں میں کے ایم سی ٹیکس کی وصولی 10 روز کیلئے روکنے کا حکم دے دیا۔سندھ ہائیکورٹ میں بجلی کے بلوں میں کے ایم سی ٹیکس کی وصولی کے خلاف کیس کی سماعت ہوئی۔جسٹس حسن اظہر رضوی نے استفسار کیا کہ کے الیکٹرک ٹیکس بلوں میں کیوں وصول کررہی ہے؟

یہ وہی ٹیکس ہے جو کےالیکٹرک لے رہی ہے؟کراچی میں صفائی تو ہو نہیں رہی ہے۔

پڑھنا جاری رکھیں

تجارت

وزیر خارجہ  کی امریکی نمائندہ خصوصی برائے کمرشل و کاروباری امور سے ملاقات

واشنگٹن : وزیر خارجہ بلاول بھٹو زرداری نے امریکی نمائندہ خصوصی برائے کمرشل و کاروباری امور دلاور سید سے ملاقات کی۔ 

پر شائع ہوا

ویب ڈیسک

کی طرف سے

وزیر خارجہ  کی امریکی نمائندہ خصوصی برائے کمرشل و کاروباری امور سے ملاقات

دفتر خارجہ کے مطابق واشنگٹن میں ہونے والی ملاقات میں وزیر مملکت حنا ربانی کھر ، امریکہ میں پاکستان کے سفیر مسعود خان اور دیگر سینئر حکام بھی موجود تھے۔

ملاقات میں پاکستان میں سیلاب کی صورتحال ، سیلاب کی تباہ کاریوں سے نمٹنے کے حوالے سے اقدامات ، امریکی معاونت اور پاک امریکہ تجارتی تعلقات کے حوالے سے گفتگو ہوئی۔ 

ملاقات کے موقع پر وزیر خارجہ بلاول بھٹو زرداری نے حالیہ سیلاب کے دوران امریکہ کی جانب سے فراہم کردہ معاونت کو سراہا۔

ملاقات میں پاک امریکہ دوطرفہ تجارتی تعلقات کے فروغ پر تبادلہ خیال کیا گیا۔

 امریکی نمائندہ خصوصی برائے تجارتی امور دلاور سید نے سیلاب سے ہونے والی تباہ کاریوں پر گہرے دکھ اور افسوس کا اظہار کیا۔

پڑھنا جاری رکھیں

ٹرینڈنگ

Take a poll