ضلعی انتظامیہ کی ایس او پیز کی خلاف ورزی پر کارروائیاں جاری

تفصیلات کے مطابق وفاقی دارالحکومت میں   ضلعی انتظامیہ کی ایس او پیز کی خلاف ورزی پر کارروائیاں جاری ہیں، انتظامیہ کی جانب سے  326 دکانوں کی چیکنگ کی گئی۔6 ہوٹلوں اور 11 دکانوں کو سیل کیا گیا ہے اور  42 ہزار سے زائد جرمانہ کیا گیا۔ایس او پیز کی خلاف ورزی پر 13 افراد کو گرفتار بھی کیا گیا ہے۔

جی این این کے مطابق  انتطامیہ نے شادی ہالوں کے خلاف بھی  کارروائیاں  کی ۔28 شادی پالوں کی چیکنگ کی گئی۔ایس او پیز کی خلاف ورزی پر  15 ہزار جرمانہ بھی عائد کیا گیا، جبکہ 126  ریسٹورانٹ کی چیکنگ کے دوران 7 کو سیل کیا گیا اور 43 ہزار جرمانہ بھی عائد کیا گیا۔

ضلعی انتظامیہ نے  زائد قیمتیں وصول کرنے پر 179 دکانوں کی چیکنگ کی ۔6 دکانیں سیل کرکے پانچ افراد کو گرفتار بھی کیا گیا۔زائد قیمتیں وصول کرنے پر 31 ہزار سے زائد جرمانہ بھی کیا گیا۔ایک سو دس گاڑیوں کی چیکنگ کے دوران سات گاڑیوں کے چالان کیے گئے۔