کراچی میں ایک بار پھر بارشوں کی پیشگوئی 

تفصیلات کے مطابق کراچی میں بادلوں کا راج ہے  اور شہر میں آج بوندا باندی کا امکان ہے،  محکمہ موسمیات کے مطابق  شہر کا درجہ حرارت 28 ڈگری سینٹی گریڈ اور 23 کلو میٹر فی گھنٹہ کی رفتار سے ہوا چل رہی ہے ، دن میں درجہ حرارت 29 سے 31 ڈگری تک رہے گا۔

محکمہ موسمیات نے کراچی میں ایک بار پھر بارش کی پیش گوئی کرتے ہوئے کہا ہے کہ بارش برسانے والاسسٹم 23 اگست سےسندھ میں داخل ہوگا۔

دوسری جانب پی ڈی ایم اے نے بھی 23 اگست سے جنوبی پنجاب میں مون سون بارشوں کے نئے سلسلے کی پیشگوئی کردی۔

پی ڈی ایم اے کا کہنا ہے کہ ڈی جی خان ڈویژن کے پہاڑی علاقوں میں شدیدبارشیں ہو سکتی ہیں، موسلادھار بارشوں سے ڈی جی خان ڈویژن میں اربن فلڈنگ کاخدشہ ہے۔

کوہ سلیمان سے آنے والے ریلوں سے دریائےسندھ میں درمیانے درجے کے سیلاب کا خطرہ ہے اور 20 سے 22 اگست تک دریائے سندھ کے ندی نالوں میں طغیانی کا امکان ہے۔