پاکستان کو آئی ایم ایف سے 1 ارب 16کروڑ ڈالر کی قسط موصول ہوگئی

اسٹیٹ بینک کی جانب سے جاری بیان میں کہا گیا ہےکہ آئی ایم ایف سے 1 ارب 16 کروڑ ڈالر کی قسط موصول ہوگئی ہے،  آئی ایم ایف بورڈ نے ساتواں اور  آٹھواں جائزہ  مکمل ہونے پر قسط جاری کی ہے، آئی ایم ایف سے موصول شدہ رقم سے زرمبادلہ کے ذخائر کو بہتر بنانے میں مدد ملے گی۔

یاد رہے کہ  گزشتہ روز  آئی ایم ایف نے  پاکستان کے لیے قرض پروگرام  میں 2023ء جون  تک توسیع کی منظوری کا اعلان کیا  تھا جبکہ پاکستان کے لیے قرض پروگرام 6  ارب ڈالر سے بڑھا کر  ساڑھے 6 ارب ڈالر کر دیا گیا ہے۔