کراچی: محکمہ تعلیم سندھ نے میٹرک ،انٹرمیڈیٹ کے امتحانات کی تاریخ کااعلان کردیاہے ۔

تفصیلات کے مطابق وزیر تعلیم سندھ سعید غنی نے اجلاس کے بعد پریس کانفرنس کرتے ہوئے بتایا کہ کورونا وبا کی لہر کے دوران بند تمام تعلیمی ادارے یکم فروری سے حفاظتی اقدامات کے ساتھ کھولے جارہے ہیں ۔ صوبہ سندھ میں میٹرک کے امتحانات کا آغاز یکم جولائی سے ہوگا جو کہ 15 جولائی تک جاری رہیں گے ۔ گیارہویں اور بارہویں جماعت کے امتحانات کا آغاز 28 جولائی سے ہو گا، یہ امتحانات 16 اگست تک جاری رہیں گے۔ پریکٹیکل اب اسکولوں اور کالجوں میں ہی ہوں گے، تمام بورڈز امتحانات کے نتائج 90 روز میں تیار کریں گے، میٹرک کا رزلٹ 15 ستمبر کو جاری کیا جائے گا جبکہ انٹرمیڈیٹ کے نتائج کا اعلان 15 اکتوبر کو کیا جائے گا ۔
وزیر تعلیم سندھ سعید غنی کاکہنا تھا کہ پہلی سے آٹھویں جماعت کے امتحانات 7 جون سے ہوں گے، جن کے نتائج 26جون کو دیے جائیں گے۔ امتحانات کا دورانیہ تین گھنٹے کے بجائے دو گھنٹے ہو گا، 30 فیصد طویل اور 20فیصد مختصر سوالات دیے جائیں گے۔ سعید غنی نے بتایا کہ سلیبس کو 40 فیصد کم کیا گیا ہے جبکہ اس سال بچے بغیر امتحانات پروموٹ نہیں کیے جائیں گے ۔
خیال رہے کہ جنوری کے اوائل میں سندھ حکومت نے نیشنل کمانڈ اینڈ آپریشن سنٹر (این سی او سی) کے فیصلے کے مطابق مرحلہ وار تمام تعلیمی اداروں کو مرحلہ وار کھول دیا ۔ سب سے پہلے چھٹی، ساتویں اور آٹھویں جماعتوں کی کلاسز شروع کرنے کا فیصلہ کیا گیا۔دوسرے مرحلے میں سیکنڈری سکول نویں سے بارہویں، اواینڈاے لیول تک 18 جنوری ، پہلی سے 8ویں تک 25جنوری جبکہ یکم فروری کو ایچ ای سی سے منسلک تمام تعلیمی ادارے کھول دیئے جائیں گے ۔
یاد رہے کہ پاکستان میں کورونا وائرس کا پہلا کیس 26 فروری 2020 کو ریکارڈ کیا گیا تھا اور ملک کے تعلیمی ادارے اسکول، کالج اور جامعات کیسز میں اضافے کے باعث 16 مارچ سے31 مئی تک تمام تعلیمی ادارے بند کر دیے گئے ۔ سندھ سمیت ملک کے دیگر صوبوں میں کورونا کے کیسز کا سلسلہ نہ تھما تو تعلیمی اداروں کی بندش میں مزید تین ماہ کا اضافہ کیا گیا۔
چھ ماہ بعد پہلے مرحلے میں 15 ستمبر سے اسکولوں میں نویں دسویں ، کالج اور جامعات میں تدریس اور امتحانات کا سلسلہ شروع ہوا۔ چھٹی سے آٹھویں تک کلاسز آئندہ ہفتے 22 ستمبر جبکہ پرائمری اور پری پرائمری کلاسز ستمبر کے آخر سےشروع ہوئیں ۔ کورونا وائرس کی دوسری لہر کے دوران پاکستان میں 26 نومبر سے24 دسمبر2020 تک دوبارہ تمام تعلیمی ادارے بند کیے گئے جبکہ آن لائن کلاسز جاری رکھنے کا فیصلہ کیا گیا ، 25 دسمبر سے 10 جنوری تک موسم سرما کی تعطیلات کا اعلان کیا گیاتھا ۔

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

پیٹرول اور ڈیزل کی نئی قیمتوں کا اعلان
- 2 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

پاکستان میں فی تولہ سونا ہزاروں روپے سستا ہوگیا
- a day ago



