نوابشاہ ائرپورٹ کو 25 ستمبرتک بند رکھنے کا فیصلہ، نیا نوٹم جاری 

تفصیلات کے مطابق سی اے اے نوٹم  میں کہا گیا ہے کہ نوابشاہ ایرپورٹ میں تاحال سیلابی پانی موجود ہے ، رن وے کی لائٹس بھی پانی کھڑے سے خراب ہونے کا خدشہ ہے ۔ 

سیلابی پانی کے باعث نوابشاہ ایرپورٹ کو گذشتہ ماہ سے فلائٹ آپریشن کے لیے بند کیا گیا تھا۔ 

کراچی لاہور کے درمیان اڑنے والی فلائٹس کو ملتان ایرپورٹ کو سیکنڈری ایرپورٹ کے طور استعمال کرنے کی ہدایت کی گئی ہے ۔ 

خیال رہے کہ خراب موسم اور طوفانی بارشوں میں  اسلام آباد اور لاہور سے کراچی آنے والی فلائٹس کو نوابشاہ ایرپورٹ پر اتارا جاتا ہے۔