GNN on Google Play Store GNN on Apple App Store
جی این این سوشل

پاکستان

مولانا فضل الرحمن کا ایک بار پھر دوبارہ انتخابات کرانے کا مطالبہ

پشاور: جمعیت علمائے اسلام (ف)اور پاکستان ڈیموکریٹک موومنٹ(پی ڈی ایم)کے سربراہ مولانا فضل الرحمان نے ایک بار پھر دوبارہ انتخابات کرانے کا مطالبہ کر دیا۔
3 سال پہلے

پر شائع ہوا

کی طرف سے

مولانا فضل الرحمن کا ایک بار پھر دوبارہ انتخابات کرانے کا مطالبہ
مولانا فضل الرحمن کا ایک بار پھر دوبارہ انتخابات کرانے کا مطالبہ

پشاور میں میڈیا سے گفتگو کرتے ہوئے جمعیت علمائے اسلام (ف)اور پاکستان ڈیموکریٹک موومنٹ(پی ڈی ایم)کے سربراہ مولانا فضل الرحمان کا کہنا تھا کہ 25 جولائی 2018 کے الیکشن پر ہمیں اعتراض ہے،جن کو حق نہیں تھا ان کو حق حکمرانی دیا گیا، الیکشن کے نتائج کو مکمل تبدیل کیا گیا، ہم اس دھاندلی زدہ الیکشن کو نہیں مانتے، حکمران بےوقوف تھے اور ایسے ہی احمق رہیں گے، ملک میں ہر شعبہ زندگی حکومت کی ناہلی سے متاثر ہے،ملک میں کرپشن میں اضافہ ہواہے،حکومت کی کارکردگی کا پول کھل گیا ہے،ملک کو مالی نقصان کس نے پہنچایا،ذمہ دار یہی حکومت ہے، اگر اس ملک کو بچانا ہے تو اس حکومت سے نجات دلانا اہم ہے، ملک میں دوبارہ انتخابات کرائے جائیں۔

انہوں نے مزید کہا کہ پی ڈی ایم متحدہے،اختلاف اور اختلاف رائے ہوتاہے،ضمنی الیکشن اور سینیٹ کے الیکشن میں حصہ لینے کا فیصلہ کیا ہے، سینیٹ انتخابات کے لیے ہمیں حکمت عملی طے کرنی ہوگی،ایسا نہ کریں تو ان نا اہلوں سے سینیٹ بڑھ جائے گا، حکومت بوکھلاہٹ کا شکار ہے ان کو اپنے لوگوں پر اور اپنے ووٹ پر اعتبار نہیں ہے،تمام پارٹیاں متفق ہیں کہ الیکشن میں حصہ لیا جائے، ہر ضمنی انتخابات میں حصہ لیا گیا ہے، اگر استعفے آجاتے ہیں،سندھ اسمبلی ٹوٹ جاتی ہے توسینیٹ الیکشن نہیں ہوسکے گا۔

ایک سوال کے جواب میں مولانا فضل الرحمن کا کہنا تھا کہ شیخ رشید کیساتھ ساری زندگی ہاتھ ہوتا رہا ہے لیکن وہ ہاتھ کا عادی ہو گیا ہے،اب نیب خطرے میں ہے جو بھی حکومت آئے گی نیب کو ختم کر دے گی،ہزاروں لوگوں سے بارگین کر رہے ہیں رشوتیں لے رہے ہیں، نیب کیا احتساب کرے گا نیب خود کرپٹ ہے۔

مولانا فضل الرحمن نے کہا کہ 5فروری کو مظفر آباد میں یوم یکجہتی کشمیر منائیں گے،9فروری کو حیدرآباد میں کامیاب جلسہ کریں گے۔

پڑھنا جاری رکھیں

پاکستان

کوپ 29 :وزیراعظم محمد شہباز شریف کی آذربائیجان میں  مختلف عالمی رہنماؤں سے ملاقات

وزیراعظم نے عالمی رہنماوؤں سے ملاقات میں دوطرفہ تعلقات کو فروغ اور ماحولیاتی تبدیلی کے حوالے تبادلہ خیال کیا
8 گھنٹے پہلے

پر شائع ہوا

ویب ڈیسک

کی طرف سے

کوپ 29 :وزیراعظم محمد شہباز شریف کی آذربائیجان میں  مختلف عالمی رہنماوؤں سے ملاقات

وزیر اعظم شہباز شریف نے آذربائیجان کے دارالحکومت باکو میں کوپ 29 کے اجلاس کے موقع پر مختلف عالمی رہنماوؤں سے ملاقاتیں کیں۔

وزیراعظم شہبازشریف نے دورہ آذربائیجان کے دوران باکو میں کانفرنس آف پارٹیزکے 29 ویں کلائمیٹ ایکشن کیسربراہی اجلاس میں شرکت کی، جہاں سیکرٹری جنرل اقوام متحدہ انتونیوگوتریس، صدرالہام علیوف نے وزیراعظم پاکستان شہبازشریف کا استقبال کیا۔.

وزیراعظم شہبازشریف نے سیکریٹری جنرل اقوام متحدہ انتونیوگوتریس اوردیگرعالمی رہنماؤں سے مصافحہ کیا،کوپ 29 سربراہ اجلاس میں شرکت کے موقع پروزیراعظم شہبازشریف نے عالمی رہنماؤں کے ہمراہ گروپ فوٹو بھی بنوایا۔

اس موقع پر وزیرِاعظم کی متحدہ عرب امارات کے صدر عزت مآب محمد بن زاید النہیان سے ملاقات کی اور  پاکستان متحدہ عرب امارات کے مابین موسمیاتی تبدیلی کے حوالے سے تعاون سمیت باہمی دلچسپی کے امور پرتبادلہ خیال کیا۔.

اس دوران وزیرِ اعظم شہباز شریف نے  ترکیہ کے صدر رجب طیب ایردوان اور ترکیہ کی خاتون اول امینہ ایردوان سے بھی ملاقات کی ، ملاقات میں ترکیہ پاکستان کے ماحولیاتی آلودگی اور موسمیاتی تبدیلی کو عالمی سطح پر اجاگر کرنے کے حوالے سے تعاون سمیت باہمی دلچسپی کے امور پر گفتگو کی گئی۔

وزیرِ اعظم نے اس موقع پر عالمی رہنماؤں سے غیر رسمی ملاقاتیں بھی ہوئیں. وزیرِ اعظم کی برطانیہ کے وزیرِ اعظم کیئر اسٹارمر سے بھی ملاقات کی اور پاکستان برطانیہ کے درمیان دو طرفہ تعلقات اور تعاون کے فروغ پر تبادلہ خیال کیا۔  .

وزیرِ اعظم کی ازبکستان کے صدر عزت مآب شوکت مرزیویف اور تاجکستان کے صدر امام علی رحمن سے بھی ملاقات کی دونوں رہنماوؤں نے  ملاقات میں وسط ایشیائی ممالک اور پاکستان میں گلیشیئرز و آبی وسائل کے تحفظ پر گفتگو کے ساتھ ساتھ پاکستان کے تاجکستان اور ازبکستان سے مواصلاتی روابط کو وسعت دینے پر تبادلہ خیال کیا۔.

وزیرِ اعظم کی نیپال کے صدر رام چندر پاؤڈیل اور بنگلہ دیش کی عبوری حکومت کے چیف ایڈوائزر ڈاکٹر محمد یونس سے بھی ملاقات ہوئی. ملاقات میں جنوبی ایشیاء میں بڑھتے ہوئے درجہ حرارت، بلند ہوتی سطح سمندر کے خطرات اور جنگلات کے تحفظ پر گفتگو کی گئی، اسکے علاوہ ملاقات میں  بنگلہ دیش اور نیپال کے ساتھ پاکستان کے دوطرفہ تعلقات کے فروغ کے حوالے سے بھی  گفتگو ہوئی۔.

پڑھنا جاری رکھیں

تجارت

سونے کی قیمت میں ہزاروں روپے کی  کمی

سونے کی فی تولہ قیمت میں 7000 روپے کی کمی
8 گھنٹے پہلے

پر شائع ہوا

ویب ڈیسک

کی طرف سے

سونے کی قیمت میں ہزاروں روپے کی  کمی

آل پاکستان جیمز اینڈ جیولرز ایسوسی ایشن  کے مطابق ملک میں سونے کی قیمتوں میں بھاری کمی ہوئی ہے۔

ملک میں 24 گرام سونے کی قیمت میں 7000 روپے کی  نمایاں کمی ہوئی ہے جس کے بعد  24 گرام سونے کی  فی تولہ قیمت  2 لاکھ 70 ہزار 500 روپے  ہوگئی ہے۔

 اسی طرح  10گرام سونے کی فی تولہ  قیمت میں 6000 روپے کی کمی ہوئی ہے جس کے بعد دس گرام سونے کی قیمت  2 لاکھ 31 ہزار 911 روپے ہوگئی۔

جبکہ عالمی مارکیٹ میں سونے کی  قیمت میں  77 ڈالر کی کمی ہوئی ہے جس کے بعد عالمی مارکیٹ میں سونے کی نئی قیمت  2593 ڈالر فی اونس ہو گئی ہے۔

پڑھنا جاری رکھیں

علاقائی

استور سے راولپنڈی  جانیوالی باراتیوں سے بھری گاڑی کو حادثہ ، 18افراد ہلاک

ریسکیو ورکرز کی جانب سے لاشوں کی تلاش کیلئے آپریشن جاری ہے اور جائے حادثہ پر ڈپٹی کمشنر دیامر سمیت دیگر حکام بھی موجود ہیں
3 گھنٹے پہلے

پر شائع ہوا

ویب ڈیسک

کی طرف سے

استور سے راولپنڈی  جانیوالی باراتیوں سے بھری گاڑی کو حادثہ ، 18افراد ہلاک

 گلگت بلتستان کے علاقے استور سے راولپنڈی  جانیوالی باراتیوں کی کوسٹر دریا میں گرگئی ہے، جس میں 25 افراد سوار تھے، حادثے میں جاں بحق افراد کی تعداد 18 ہو گئی ہے۔
ابتدائی اطلاعات کے مطابق دریا سے 4 خواتین سمیت 12 افراد کی لاشیں نکال لی گئی ہیں، جبکہ ایک لڑکی زخمی حالت میں ملی ہے، جسے  ہسپتال منتقل کردیا گیا ہے، زخمی لڑکی مبینہ طور دلہن بتایا گیا ہے، جبکہ 10 لاپتا افراد کی تلاش کیلئے امدادی کارروائیاں جاری ہیں۔
حادثے کے باعث قریب ترین  ہسپتال اور گلگت سب ڈویژن جگلوٹ میں سول ہسپتال کے عملے کو الرٹ رہنے کی ہدایات دی گئی ہیں۔
گلگت بلتستان حکومت کے ترجمان نے میڈیا کو بتایا کہ راولپنڈی جانے والی باراتیوں کی کوسٹر کو تھلیچی پل کے قریب حادثہ پیش آیا اور دریا میں جاگری۔
دوسری جانب وزیراعلیٰ گلگت بلتستان حاجی گلبر نے باراتیوں کی بس کو پیش آنے والے حادثے پر دکھ اور افسوس کا اظہار کرتے ہوئے ہدایات دی ہیں کہ ریسکیو آپریشن تیز کیا جائے۔
ریسکیو ورکرز کی جانب سے لاشوں کی تلاش کیلئے آپریشن جاری ہے اور جائے حادثہ پر ڈپٹی کمشنر دیامر سمیت دیگر حکام بھی موجود ہیں۔  

 

پڑھنا جاری رکھیں

ٹرینڈنگ

Take a poll